E fundit!

08:34 Kronika

Operacion antidrogë në Malësinë e Krujës, Krujë dhe Thumanë

Autoritetet kanë kryer një operacion të gjerë antidrogë në...

Viktimat e Ministrisë së Arsimit

15 Gusht 2014, 07:43, Aktualitet CNA

Në këto ditë të nxehta gushti pakkush po mendon për temperaturat e larta, sepse pikërisht në këto ditë shpalosi tërë fuqinë e tij ?vrastare? uragani me emrin ?reformë në arsimin e lartë?. Dhe si cdo reformë-uragan , ka lënë pas edhe viktimat e tij ,të cilët për të qënë i vërtetë deri në fund po shtohen dita ditës.

Shumëkush do të mendojë se e kam fjalën për studentët e përzënë nga universitetet e mbyllura dhe të detyruar në këtë zheg mbytës të ndjekin me ankth nëpër media zhvillimet e ngjarjeve në ?telenovelën? tronditëse të reformës në arsimin e lartë.

Jo , e kam fjalën për tjetërkënd , e kam fjalën për ata persona që edhe pse me një firmë viktimizojnë mijëra studentë dhe familjet e tyre ,në fakt kanë paturpësinë të deklarojnë se janë ata viktima, të mashtruar, të qorrollepsur,të paditur,të cuditur,te keqdrejtuar etj etj.

Viktima e parë dhe më e famshme (deri tani të kuptohemi ,sepse nuk ja dimë akoma fundin) është dora vetë znj.Nikolla, ministrja 300 ? ditore e qeverisë së rilindjes .

Sic edhe e dini ,reforma e iniciuar apo e zbatuar nga ministria që drejton zonja në fjalë fillimisht pezulloi aktivitetin edhe në universitetin e quajtur ?Albanian University? (ose ?UFO? sic njihet rëndom nga publiku),universitet në të cilin zonja Nikolla kishte marrë diplomën e masterit.

Zonja ministre doli me një deklaratë të fortë në media dhe tha tekstualisht se ?mbyllëm kalbësirat?, por kur u pyet me të drejtë nga disa gazetarë apo forume të ndryshme për vlerën e diplomës së saj të dhënë nga ky universitet i mbyllur apo ?kalbësirë? (sipas përcaktimit të saj), morëm një përgjigje shokuese , për hir të së vërtetës të parën në llojin e saj në gjithë këto vjet demokraci ?edhe unë isha viktimë e sistemit? !

Të qwndrojmë për disa momente në etiketimet që ju bëri kryeministri universiteteve të mbyllura ,ai deklaroi se në disa universitete (nuk përmendi institucione konkrete i futi të gjithë në një thes), citoj tekstualisht ?janë dhënë diploma në natyrë,për shërbime të ndryshme ,lyerje ,shpëlarje,punime hidraulike ,punime zdrukthtarie, pagesën në natyrë si lopë,dele,oriz,fasule,zhavorr,dru zjarri (të prera pa leje sigurisht se po të ishin prerë me leje ndryshonte puna) apo rregjistra themeltarë ku thuhej ?10 diploma i ka tërhequr shefi?.

Marr guximin ta pyes zonjën Nikolli (apo edhe zotin kryeministër nëse disponon ndonjë informacion) se me cfarë monedhe në natyrë ka paguar zonja Nikolli ?

Deri sa të vijë përgjigjja e zonjës më lejoni të bëj disa hamendësime të kulturuara .

Pagesë me lyerje e hedh poshtë këtë mundësi pasi me sa di zonja nuk është as piktore dhe as bojaxhie ,po të kishte qënë kryeministri edhe mundej ,talentin e tij si bojaxhi i pallateve në Tiranë e kemi para syve cdo ditë dhe smund ta harrojmë edhe po të duam.

Pagesë me larje dhe shpëlarje as këtë sma merr mendja, zonja nuk ka pasur apo ka me sa kam dijeni unë (nëse jam gabim ju lutem më ndriconi) ndonjë sipërmarrje pastrimi kimik apo lavanderie.

Pagesë me punime hidraulike ose punime zdrukthtarie as kjo nuk më rezulton e vërtetë ,profesioni i zonjës ka qënë mësuese jo hidraulike apo zdrukthtare.

Pagesë me gjë të gjallë si lopë,dele apo me oriz,fasule,dru zjarri etj as kjo nuk më rezulton pasi zonja nuk jeton në fshatqë të ketë këtë lloj malli për të shkëmbyer.

Pra ngelet që zonja e nderuar të jetë nga ajo kategori studentësh qw sic tha kryeministri ?diplomën ia ka dhënë shefi?.

Gjithsesi ka edhe lloje të tjera pagesash në natyrë përvec atyre që përmendi kryeministri atë ditë.Hamendësoj që nuk përmendi të tjera sepse ka dashur të jetë konciz.

Nejse nuk është e thënë që publiku tu besojë këtyre që hamendësoj unë, zonja Nikolli mund të përgjigjet vetë ,jo mua në fakt por kryeministrit pasi e ka edhe punëdhënës dhe në këtë marrdhënie shumë delikate punëdhënës-punëmarrës nuk duhet të ketë sekrete të asnjë lloji.

Cudia tjeter ishte që pas pezullimit për tre apo katër ditë të universitetit të zonjës Nikolli ,UFO-ja u cpezullua si me magji .Thua të ketë dorë Harri Poteri këtu apo keqardhja e kryeministrit për zonjen Nikolli bëri të vetën?

Mbase, them unë, (hamendësim edhe ky), kryeministri kur e pa sa po vuante zonja ministre tha ?pse ta lë të vuajë Linditën e shkretë kaq shumë,po ja kujtojnë ne cdo media dhe në cdo panel ate të shkretë diplomë te UFO më mirë po e cpezulloj UFO-n dhe kësisoj do tua mbyll gojën fjalamanëve dhe Lindita do ta flejë gjumin e qetë?.

Në fakt për të qënë konsekuent deri në fund kryeministri edhe mund të mos e bënte këtë veprim pasi sic deklaroi para disa ditësh me autoironinë që e karakterizon ?merita më e madhe e kësaj qeverie është mungesa e eksperiencës? (edhe e shkollimit do tw shtoja unw), por ne populli i thjeshtë e vdekatar smund të gjykojmë dot veprimet kryeministrore ,ato janë shumë ?të thella?.

Dhe viktima e rradhës është Ejona Isufaj,kryeinspektore në Ministrinë e Arsimit, me pak fjalë ajo që përpiloi raportet për mbylljen e universiteteve.

Znj.Ejona në fakt ka disa ditë që rri në heshtje për akuzat që i bëhen se ka një diplomë të falsifikuar doktorature të marrë jashtë shtetit shqiptar. Arsyeja e kesaj heshtjeje sic pohon vetë është fakti që nuk donte të përziente arritjet e refomës me cështje personale, por me sa duket dje kupa u mbush për këtë zonjë dhe nuk duroi më, shkoi të padiste ata që e kishin cënuar rëndë reformën duke e përzierë me cështje kaq të parëndësishme si falsiteti i diplomës së saj të doktoraturës.

Shkoi vetë apo e cuan kjo gjithsesi është cwshtje që duhet diskutuar .

Madje zonja në fjalë u përpoq ta vinte veten në pozitë të njëjtë me studentët e përzënë nga universitetet private të mbyllura nga vetë ajo duke thënë se ?edhe unë jam nw krah të 6 mijë studentëve që kanë pësuar të njëjtin fat (fatin që ja u përgatiti zonja ) pasi shteti nuk ishte asgjëkund për të më lajmëruar?.

Për sqarim moj zonjë desha të të them se nuk je në të njëjtat pozita me këta studentë pasi certifikatat e notave apo edhe diplomat që kanë marrw ata nuk janë fallso si ajo që ke blerë ti.Nejse ti këtë e dije jo se ta thashë unë?.

Me sa kuptoj unë nga deklarata e zonjës i gjithë faji është i shtetit shqiptar që nuk e ka lajmëruar zonjën Isufaj se është vepër penale (apo kundravajtje penale) të blesh dhe të përdorësh dokumenta të falsifikuara.

E kuptoj që zonja nuk e ka ditur këtë ,e besoj plotësisht madje, sepse për kapacitetin intelektual të saj duhet të dënohet vetëm ai që falsifikon dokumentat dhe jo ai që i përdor ,tek e fundit sic thotë populli ?fshati që duket nuk do kallauz?.

Por ajo që skuptoj unë është si ka mundësi që një njeri me nivel intelektual kaq të ulët të gjykojë punen e universiteteve dhe të mbyllë ato pa një pa dy?

Unë them që këtë zonjën dikush e ka qorrollepsur (tek e fundit ska qënë edhe aq e vështirë) dhe ajo vetëm ka qënë masha e një dore shumë më të fuqishme.

Deri më tani këto janë ?viktimat? e Ministrisë së Arsimit , më tej sdi ctw them parashikoj që do të ketë edhe të tjerë, se në cfarë shkalle të hierarkisë shtetërore do të jenë këtë do ta tregojë koha. G.B.