Universiteti TBU i Artan Hoxhes, kioska që i shpëtoi stuhisë

14 Gusht 2014, 08:33, Aktualitet CNA

Pas denoncimit te filluar dy dite me pare nga www.cityfm.al, ne lidhje me kontrollet e Ministrise se Arsimit dhe favotizimet e bera per UET, vjen nje tjeter denoncim publik kesaj here nga gazeta SOT.

Kanakari mediatik i Berishës kapërcen furtunën e Nikollës, universiteti i Artan Hoxhës 10 klasa për 2 fakultete dhe 6 mastera

Reforma qeveritare e ndërmarrë ditët e fundit, ngjasoi me një furtunë me dallgë të mëdha që përpiu shumë universitete jo publike dhe që la të gjymtuara shumë të tjera. Megjithatë për një notar të kalibrit të lartë si analisti Artan Hoxha, ky det i trazuar, do të ishte shumë i lehte për tu përballuar, falë stileve tashmë të njohura ?alla Çili? për t`iu gjunjëzuar dhe hyr në pazare me pushtetin e ri. Notari i sigurimit, i cili pranoi se nuk kishte spiunuar kurrë, pavarësisht se sakrifikoi për këtë ëndrrën e tij presidenciale, ka habitur së fundi publikun e gjerë dhe shume kolegë të tij me faktin se universiteti që ai drejton, Tirana Business University, kaloi me lehtësi kontrollin e rreptë të Ministrisë së Arsimit me disa vërejtje të vogla. Pikëpyetja e madhe në gjithë këtë ngjarje qëndron në faktin se Ministria e Arsimit duket se ka toleruar pak si shumë kushtet dhe standardet që ofron ky universitet krahasuar me disa të tjerë, të cilët u pezulluan për shkak të infrastrukturës jo të përshtatshme.

Hapja e Universitetit

Tirana Business University u hap në vitin 2010 me Vendimin urgjent Nr794 date 06.10.2010 të Këshillit të Ministrave, vetëm 8 ditë pas paraqitjes së propozimit për licencimin e tij nga agjencia shtetërore. Licenca për ciklin e parë të studimeve parashikonte hapjen e dy fakulteteve Administrim Biznes dhe E drejtë biznesi me 5 profile studimi. Në vitin 2011 me anë të VKM Nr.169 datë 28.09.2011 hapen edhe 5 mastera të tjerë profesional dhe 1 master shkencor. Ky universitet e pozicionoi vendodhjen e tij në Rrugën e Kavajës, brenda një ndërtese multifunksionale qendër biznesi, duke zënë vetëm disa ambiente të saj në katin e parë dhe të dytë. Sipas listës së stafit pedagogjik të paraqitur, figuron se disa prej drejtuesve të tij akademik janë sot në ofiqe të larta zyrtare të administratës publike dhe siç duket afërmendsh nuk kanë ngurruar të bëjnë lobimin e tyre për shpëtimin e këtij universiteti nga reforma e ashpër në arsim.

Shkeljet e Kritereve dhe standardeve

Nga shumë fakte dhe të dhëna zyrtare, dyshohet se Tirana Business University përbën një rast unik të mos ndëshkimit të tij nga kontrolli mbi kriteret dhe standardet ligjore që ofron. Kështu sipas tarifave dhe të dhënave të tjera zyrtare të Agjencisë së Akreditimit të Institucioneve të Arsimit të Lartë, figuron se Tirana Business University ofron një tarifë të lartë shkollimi 2500 euro në vit për ciklin e parë duke patur një numër aktual studentësh prej rreth 55 veta. Sipërfaqja e klasave që ofron ky Universitet është qesharak (37 m2 klasa) dhe numri i tyre i përgjithshëm është vetëm 10 të tilla. Universiteti ka planifikuar në kundërshtim me çdo standard mësimor të realizojë të gjitha ciklet e studimit (2 cikle studimi dhe 10 profile) në vetëm 10 klasa. Vlen të përmendet se në kontrollet që janë ushtruar është toleruar fakti që ky Universitet ofron për të gjitha ciklet e studimit të njëjtat klasa dhe ambiente, ku nuk ekzistojnë aspak laboratorët dhe ato të praktikës mësimore. Pra komponenti i kërkimit shkencor në këtë universitet është inekzistent. Po ashtu, inekzistent mbeten edhe ambientet sportive dhe ato shplodhëse. Për më tepër, të bie në sy fakti se sipërfaqe më e madhe funksionale e Universitetit janë hollet pritëse dhe korridoret të cilat zënë një sipërfaqe prej 470m2, ndërsa për çudi deklarohet e njëjta sipërfaqe ambienti edhe për laborator interneti edhe për sallë interneti. Mbetur vetëm në këto gjetje të raporteve konstatuese, të cilat do të vijojnë, duket shumë e dyshimte sesi një universitet i tille e kaloi klasën e kontrollit këtë herë, kur duket lehtësisht se është ndër ngelësit më të mëdhenj të kësaj reforme.

Shkrihen universitetet fantazmë

Qeveria ka shkrirë 35 universitete dhe shkolla të cilat shisnin diploma. Lajmi është bërë i ditur dje në prezantimin e raportit të verifikimit të kritereve të ligjshmërisë në institucionet e Arsimit të Lartë, i cili zbuloi se të paktën 70.5% e tyre nuk plotësojnë kriteret ligjore. Ngrirja e 13 universiteteve fantazmë dhe heqja e liçencës për 16 universitete të tjera, ka përmbysur përfundimisht sistemin piramidal në arsim. Gjatë aktivitetit të zhvilluar ditën e djeshme, janë bërë publik edhe emrat e Universiteteve të cilët rrezikohen të mbyllen dhe atyre që do t?i pezullohet liçenca. Në raport propozohet pezullimi i aktivitetit për Akademinë Profesionale të Biznesit, ISAT-in, Kolegjin Profesional “Ivoclar Vivadent&Partners”, Kolegjin Profesional privat “New Generation”, “Pavarësia”, në Vlorë, “Hëna e plotë Beder”, ?Logos”, “Justicia”, “Sevasti dhe Parashqevi Qiriazi”, Institutin Kanadez të Teknologjisë, “Ëisdom University”, Universitetin “Aldent” dhe për Universitetin ‘Albanian University’, i njohur më parë me emrin, ‘UFO’.

Gazeta SOT