Fullani: Vjedhja rast i izoluar, nuk do të lejoj asnjë spekulant të njollosë emrin tim

14 Gusht 2014, 07:48, Aktualitet CNA

Guvernatori i Bankës së Shqipërisë Adrian Fullani përmes një interviste të dhënë për gazetën ?Mapo? ka sqaruar arsyet e mosdhënies së dorëheqjes.

?Përgjegjësitë dhe detyrat e Guvernatorit janë të përcaktuara me ligj dhe gjenden lehtësisht. Guvernatori nxjerr urdhra dhe udhëzime, të cilat në rastin konkret kanë qenë të mirëpërcaktuara.Moszbatimi ose neglizhimi i tyre nga personat përgjegjës, është shkelje ligjore dhe si e tillë dënohet. Unë e shoh përgjegjësinë administrative të Guvernatorit kryesisht në garantimin e stabilitetit dhe të pavarsisë së bankës. Një gjë të tillë po dëshmon i gjithë spektri politik dhe deklaratat e tij zyrtare, që adresojnë këtë problem delikat. Pra interesi i Bankës ka dominuar mbi të gjithë. Në këtë kuptim, përkundrazi, vijimi im si guvernator i Bankës është tregues përgjegjshmërie në raport me rolin që ka ky post në garantimin e sistemit bankar dhe sigurimit të pavarësisë së bankës qëndrore?, është shprehur Fullani.

Sipas Fullani vjedhja në Bankën e Shqipërisë është një rast i izoluar, që nuk i ka ndikuar aspak treguesit e sistemit bankar në vend. Ai pranon se Bitraj është emëruar nga ai, por shprehet se nuk ka pasur sinjalizim për veset e tij, as nga puna e mëparshme, as nga procesi i verifikimit të pasurisë.

Fullani shprehet gjithashtu se në media këto ditë kanë qarkulluar shumë të pavërteta, teksa shprehet se të gjitha kontrollet e auditit janë kryer çdo vit dhe mohon që Ermelinda Meksi ka kërkuar dorëheqjen e tij,

?Ju thashë edhe më lartë, ka patur shumë të pavërteta në media këto kohë. Kjo është njëra prej tyre. S?ka asgjë të vërtetë në këtë lajm?, shprehet ai.

Teksa shprehet mbi fotot e fëmijëve që kanë qarkulluar në media këto ditë Fullani pohon se, ?Çdo pasuri dhe pronë është lehtësisht e verifikueshme dhe e vërtetueshme. Por, në ndonjë rast, spekulimet, janë më interesante se e vërteta. Unë punoj prej 40 vitesh dhe në këto 4 dekada, kam pasur mjaft pozicione të rëndësishme, në sektorin publik dhe privat, të cilat jo rrallë më kanë vendosur në qendër të vëmendjes mediatike. Karriera ime nuk fillon dhe as mbaron në Bankën e Shqipërisë. Ju siguroj që nuk do të lejoj asnjë spekulant të njollosë emrin tim?,nënvizon Fullani.