E fundit!

08:34 Kronika

Operacion antidrogë në Malësinë e Krujës, Krujë dhe Thumanë

Autoritetet kanë kryer një operacion të gjerë antidrogë në...

Zbardhet raporti, UET reklamon programe studimi pa license

14 Gusht 2014, 11:31, Aktualitet CNA

Nga Elvi FUNDO

Pas materialit të parë i cili tregonte shkeljet në dy pika të rëndësishme nga UET, apo Neim University, raporti i kontrollit në rrjeshtat e tij na tregon dhe me shumë. Na zbulon skandale dhe na jep fakte të cilat tregojnë se UET nuk është ai universitet që duket. Ka imazh dhe reklama por, në fakt këtu janë dhe disa nga shkeljet të cilat janë theksuar nga Ministrja e Arsimit Lindita Nikolla dhe Kryeministri Rama, për ato që ai i ka quajtur ?Kioska?.

Duke i renditur disa nga faqet e raportit po sjellim atë cfarë kanë shkruar Inspektorët e Kontrollit, të cilët duket se janë përpjekur ta mbrojnë por, e kanë pasur të pamundur të fshihnin faktet.

Këto fillojnë me studimet Bachellor, të cilët sipas raportit të kontrolit reklamohen edhe pse për to nuk ka urdhra për hapje. Raporti thote: ?Ne prezantimin e bërë nga IAL për programet e studimit, citohen gjithashtu Bsc Histori dhe Bsc Filozofi për të cilat nuk ka një Urdhër të licensimit nga Ministri I Arsimit dhe Shkences?.

Ky paragraf i raportit na tregon se UET ka reklamuar për programe studimi, të cilat nuk i ka pasur ligjërisht. Sa është numri i studentëve që kanë studiuar në këto programe, që diploma e tyre nuk vlen, por thjesht janë mashtruar, këtë duhet ta thotë UET dhe Neim Henri Cili. Ky është një rast flagrant i shkeljeve dhe abuzivizmit, kjo do të mjaftonte në një vend europian që ky universitet të mos hapej kurrë. Reklamë publike për dicka që nuk e ke ligjërisht dhe këtë përvec faktit që vjen nga raporti i kontrollit mund të gjenden lehtësisht tek faqja zyrtare e UET, www.uet.edu.al, broshurat apo botimet e publikuara prej ketij institucioni.

Më poshte raporti në rrjeshtat e tij na jep të tjera të dhëna interesante për UET pikërisht tek Masterat. Reklamohet Diplomaci, Siguri njerëzore dhe qeverisje e mirë, Analizë ekonomike sasiore, për të cilat nuk deklarohet,- Urdhër për hapjen e këtyre programeve të studimit. Dhe, ndodhemi përpara të njëjtit fakt, reklamohen por, nuk ka një urdhër të deklaruar, pra sërisht duhet të përgjigjet UET dhe Cili pse kanë gënjyer publikisht. Pa i bashkuar këto fakte duke kaluar nën një akuzë më të rëndë që mashtrim publik do të ishte shumë pak. Ndoshta këto raporte dhe këto paragrafe më shumë sesa Ministrisë së Arsimit duhet t?i bejnë punë Prokurorisë për të nisur një hetim të thelluar dhe të gjerë se cfarë ka ndodhur realisht me studentet dhe familjarët e tyre në UET. Të cilëve ju janë reklamuar programe pa Urdhër Ministri të deklaruar.

E njejta situate duket edhe me Doktoratura ku ka një mospërputhje të profileve të licensuara me ato që zhvillohen. Dokumenti i mësipërm e tregon saktësisht atë cfarë ka ndodhur. Nga 3 urdhra janë bërë 6 programe.

I rikthehem dhe njëhërë znj. Nikolla e cila tha publikisht se kemi propozuar për heqje licensash universitete të cilat kanë bërë reklamime të rreme dhe abuzive. Ketu mund të marim si rast BEDER, të cili ka shkelje faktin se deklarohet Universitet dhe ligjerisht është Shkollë e Larte. Ndryshimi midis të dy emertimeve janë Doktoraturat. Por, Bedër penalizohet sepse deklarohet e reklamohet Universitet dhe jo Shkollë e Lartë. Lind pyetja po UET që reklamon programe dhe mund të ketë dhjetra student që kanë studiuar apo studiojnë në këto dege, pse nuk penalizohet? Pa i hyre këtu shkallëve të emergjencës të Bedër që as UET nuk i ka.

Faktet në ëeb, broshurat dhe reklamimet janë larg të vërtetes, si nga numri i pedagogëve, sipërfaqet, programet etj etj, mjafton një investigim i thjeshtë për të kuptuar se në rast të zbatimit të ligjit, sipas asaj që ka shprehur znj Nikolla, UET sot duhet të ishtë pa license. Pse nuk i hiqet apo pse mbahet me hatër ditë pas dite po zbardhen mjaft fakte?! Lidhjet politike afër Kryeministrit Rama duket se janë ato që e bëjne të mundur që për UET-in e Henri (Neim) Cilit, të bëhet syri qorr e veshi shurdh. Një fakt, babai i Këshilltarit të Kryeministrit Rama,- Endri Fuga është pjesë e niveleve më të larta drejtuese të UET dhe, këtë fakt e gjeni në ëeb-in zyrtar.