E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Prokuroria - policisë: Rihetimin nga fillimi vrasjes së Santos

27 Korrik 2014, 12:14, Aktualitet CNA

Policia do të nisë edhe njëherë hetimet për zbardhjen e vrasjes së bankierit Artan Santo, pasi organi i akuzës ka kthyer dosjen mbrapsht për hetime të mëtejshme. Vendimi për kthimin e dosjes është marrë pas lirimit nga akuzat të të arrestuarve Saimir dhe Klodian Gjozi, për të cilët nuk kishte asnjë provë konkrete për të çuar përpara hetimin e ekzekutimit të bankierit Santo.

Grupi special i hetimit ka mbetur me vetëm pak detaje në dosje pasi nuk ka asnjë të dhënë për autorët e mundshëm të kësaj vrasjeje dhe për këtë arsye i ka kërkuar policisë që të ndërmarrë hetime shtesë për të plotësuar fashikullin me prova. Tashmë për policinë shtrohet detyrimi që të vazhdojë hetimet operacionale dhe në rast se do të ketë prova të reja do të lajmërojë prokurorinë për të zhvilluar hetimin mbi këto prova të gjetura.

Situata paraqitet e vështirë për policinë pasi dalja pa përgjegjësi e dy personave që u arrestuan menjëherë pas ngjarjes ka lënë një boshllëk në hetim.

Veprimet operacionale në disa fshatra të Kurbinit nuk sollën ndonjë rezultat konkret hetimor dhe për këtë arsye në terren u ndërprenë veprimet, megjithëse ka disa herë krehje të zonave ku pati dyshime që gjetën strehë dy autorët me motor pasi kryen ekzekutimin në zemër të ish-bllokut.

Ndonëse Policia e Shtetit pretendoi se në duart e kushërinjve Gjozi u gjetën shenja baruti, gjykata vendosi t?i lirojë, pasi prokuroria nuk solli para saj prova për implikimin e tyre në krimin e rëndë. Sa u përket pistave, prokuroria ka ngritur disa të tilla, ku më kryesorja lidhet me detyrën e Artan Santos si bankier.

Përgjatë këtij muaji, prokurorët kanë mbledhur të gjitha provat që mendohet t?i shërbejnë hetimit dhe kanë pyetur dëshmitarët okularë dhe personat që mund të kenë dijeni për rrethanat e ngjarjes por pa mundur të shkohet dot në gjurmet apo identitetin e vrasësve që një muaj pas vrasje janë në liri dhe krejtësisht në mister të plotë edhe sa i përket identitetit.