web counter
LEXO PA REKLAMA!

SHKARKO APP

App Store
Google Play

E fundit!

x

Arvizu kritikon sistemin e drejtësisë: Gjyqtarët dhe prokurorët të bëjnë punën e tyre

17 Qershor 2014, 13:15, Aktualitet CNA

Ambasadori amerikan në Tiranë, Aleksandër Arvizu i ka drejtuar një apel drejtësisë shqiptare që të bëjë punën e saj, pasi është hallka më e rëndësishme .

Në një workshop të organizuar mbi trafikimin e qenieve njerëzore, diplomati amerikan ka vlerësuar disa nga nismat e Qeverisë të ndërmarra në këtë drejtim, por i ka bërë thirrje gjyqtarëve dhe prokurorëve të bëjnë punën e tyre në dënimin e trafikantëve.

Deklarata e Arvizu vjen një ditë pasi kryeministri Edi Rama hodhi akuza të ashpra në drejtim të sistemit të drejtësisë, duke u shprehur se të korruptuarit duhe të shporren nga ky sistem.

Madje Rama e cilësoi Lazaratin e vërtetë në këtë sistem, kur tha se persona me rrezikshmëri të lartë, të cilët mezi arrestohen nga policia, lirohen nga sistemi i drejtësisë.

?Do të doja të përgëzoja disa prej nismave të ndërmarra nga qeveria. Diçka të rëndësishme, që qeveria ka bërë, ka rritur numrin e personelit të policëve dhe prokurorëve që merren me këtë çështje. Por duhen hetime të thelluara dhe dënime për trafikimet e qenieve njerëzore. Arrestimet duhet të përkthehen  në dënime. Qeveria duhet të bëjë punën e saj, por edhe prokurorët e gjykatat?, u shpreh ambasadori i SHBA- ve në Tiranë.

Sipas tij, një rol vendimtar  në këtë drejtim ka edhe shoqëria civile, e cila sipas ambasadorit Arvizu ka mbështetjen e SHBA-ve.





Lajmet e fundit nga