E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Policia rrethon Lazaratin/ RENEA merr në kontroll kapanonet

16 Qershor 2014, 13:16, Aktualitet CNA

Forcat e policisë kanë mbërritur në objektivin e përcaktuar në kapanonet dhe objektet e personit Gate Mahmutaj, ndërsa bëhet me dije se objekti është nën kontroll dhe vijon puna për kapjen e personave në kërkim. Burime nga Policia Shtetit kanë bërë të ditur disa detaje të reja mbi operacionin që po zhvillohet në fshatin Lazarat të Gjirokastrës, të nisur në orët e para të mëngjesit të sotëm dhe që po vijon edhe në këto minuta.

Sipas burimeve bëhet me dije se në banesë mendohet se janë rreth 30-të persona, të cilët kanë vendosur maska për të mos u identifikuar, ndërsa mësohet se uniformat blu po veprojnë në përputhje të plotë me planin dhe strategjinë e paracaktuar, duke negociuar edhe me personat në fjalë. Strukturat e Policisë së Shtetit, përkatësisht forca të Drejtorisë së Policisë së Qarkut Gjirokastër të mbështetura dhe nga forcat speciale RENEA dhe forcat e Ndërhyrjes së Shpejtë po vijojnë veprimet, me qëllim asgjesimin e sipërfaqes së identifikuar të kultivuar me bimë nakotike kanabis sativa dhe kapjen e personave që qëlluan në drejtim të forcave të policisë, disa banorë të fshatit dhe disa nga zona të tjera.

Në operacion janë përfshirë rreth 500 forca policore të cilat janë të angazhuara për realizimin e misionit. Në drejtim të forcave pjesëmarrëse në operacion prej mbrëmjes së djeshme po vijon të qëllohet me armë zjarri nga ky grup personash, duke përdorur dhe armë të rënda si antitank, mitroloz i rëndë e i lehtë, mortaja etj. Nga veprimet e ndërmarra është identifikuar vendi, prej nga ky grup personash po qëllon me armë zjarri, ku janë lokalizuar në banesën e shtetasit Gate Mahmutaj, person me precedentë kriminalë, i arrestuar nga forcat RENEA, i dënuar me vendim gjykate dhe i falur më pas nga Presidenti i Republikës. Gjithashtu bëhet me dije se sipërfaqja e kultivuar me bimë narkotike ndodhet pranë banesës së Gate Mahmutaj në periferi të fshatit Lazarat.

Nga strukturat e Policisë së Shtetit në kuadër të këtij operacioni po bashkëpunohet me Prokurorinë e rrethit. Po ashtu është kërkuar bashkëpunimi i pushtetit lokal dhe i banorëve të fshatit Lazarat, që të distancohen nga ky grup personash dhe të japin kontributin e tyre në drejtim të kapjes së këtyre personave. Policia e Shtetit ndërmerr një hap të rëndësishëm, duke tentuar që të hyjë në fortesën e Lazaratit, por pritet me armë. Në një njoftim thuhet se forcat speciale janë pritur me armë të rëndë si antitank, mitroloz dhe mortaja.

Policia ka theksuar se është e gatshme që të vazhdojë operacionin. ?Do e shpëtojmë Lazaratin nga ky grup personash,? thuhet në njoftim. Por kush po qëllon ndaj policisë? Mësohet se grupi i zjarrit ndodhet në banesën e Gate Mahmutajt, një person me precedentë penalë. ?Të shtënat vijnë nga banesa e Gate Mahmutajt, person me precedentë kriminalë, i arrestuar nga forcat RENEA, i dënuar me vendim gjykate dhe i falur më pas nga Presidenti i Republikës,? saktëson njoftimi. Gate Mahmutaj, nuk është emër i panjohur për policinë shqiptare. Emri i vërtetë i tij është Razip Mahmutaj. Ai mendohet se është personi i cili në 2004 qëlloi në drejtim të helikopterit italian që kishte shkuar për të identifikuar parcelat me kanabis.

Në terren ndodhen 500 forca policie, përkatësisht blutë e Qarkut Gjirokastër të mbështetura dhe nga forcat speciale RENEA dhe forcat e Ndërhyrjes së Shpejtë, ndërsa operacioni drejtohet nga kreu i Policisë së Shtetit, Artan Didi.