web counter
LEXO PA REKLAMA!

SHKARKO APP

App Store
Google Play

E fundit!

x

The Sunday Times: Britania do të mbështesë Shqipërinë

15 Qershor 2014, 09:25, Aktualitet CNA

Britania e Madhe do të mbështesë Shqipërinë për statusin e vendit kandidat. Lajmi jepet nga ?The Sunday Times?, duke iu referuar burimeve zyrtare qeveritare. Sipas gazetës, votimi për Shqipërinë do të mbahet javën e ardhshme në Bruksel, ndërsa pritet që Shqipërisë t?i jepet statusi i vendit kandidat për në BE.

Kryeministri Cameron më herët kishte propozuar ndryshim të rregullave të BE-së për lëvizjen e lirë të njerëzve, ku sipas tij punëtorët që vijnë nga shtetet e tjera nëse nuk kanë të ardhurat mesatare të krahasueshme me ato të Evropës perëndimore, atëherë ata nuk mund të hyjnë në Britani.

Gazeta shkruan gjithashtu se disa deputetë konservatorë i druhen frikës se mbështetja për statusin dhe anëtarësimin e Shqipërisë në BE, do të sjellë një vërshim të shqiptarëve në Britani.

Britania ishte një nga 5 vendet që në dhjetor 2013 nuk miratoi dhënien e statusit të vendit kandidat, duke mbajtur të njëjtin qëndrim si Franca dhe Gjermania. Por duket se turet diplomatike të Kryeministrit Edi Rama dhe anëtarëve të tjerë të kabinetit qeveritar, në ato që u konsideruan vendet skeptike, kanë dhënë rezultat pozitiv.

Rreth dy javë më parë, Komisioni Europian përmes një progres raporti propozoi dhënien e statusit të vendit kandidat për Shqipërinë pa kushtëzuar këtë proces me reforma apo veprime që duheshin përmbushur nga Shqipëria. Statusi, është një nga cështjet që ka bashkuar në një qëndrim klasën politike në vend, pasi si mazhoranca ashtu edhe opozita mendojnë se Shqipëria ka plotësuar kushtet.

Gazeta Tema





Lajmet e fundit nga