E fundit!

18:59 Politikë

LISTA/ Ja kush janë anëtarët e diasporës në Këshillin Kombëtar të PD-së

Ka nisur mbledhja e Këshillit Kombëtar të Partisë Demokrat...

“Koloni Art Apollonia”, ekspozitë me 33 tablo pikture në Fier

14 Qershor 2014, 11:29, Aktualitet CNA

Qyteti i Fierit ka qenë këtë herë në vëmendjen e artistëve shqiptarë, por dhe atyre të huaj. Janë 8 artistë nga Shqipëria, rajoni dhe bota që çelën mbrëmjen e të mërkurës në qytetin e Fierit edicionin e pestë të ekspozitës në pikturë ?Koloni Art Apollonia?.

Sipas artistëve pjesëmarrës në këtë ekspozitë që mori jo pak vëmendje në këtë qytet, i cili është i njohur për aktivitete e ndryshme të jetës artistike, ky event i rëndësishëm nuk është thjesht një demonstrim i vlerave të artit pamor, ku artistët shkëmbejnë eksperiencat artistike mes njëri-tjetrit, por edhe një tribunë diskutimi, ku ata shprehin mendimet dhe promovojnë vlerat e trashëgimisë kulturore.

Në edicionin e këtij viti të ?Koloni Art Apollonia?, binte në sy zgjerimi i hartës gjeografike të artistëve, me pjesëmarrës nga Kosova, Maqedonia, Rumania, Gjermania, Rusia, Ukraina, Korea e Jugut, etj. Drejtori i Galerisë së Arteve Fier, piktori Pandi Lena, gjatë një prononcimi të tij e vlerësoi këtë event si një panair ndërkombëtar të artit pamor.

?Është një aktivitet pikant, shumë i bukur. Vlera e tij qëndron te prezantimi i vlerave artistike e kulturore, që çdo artist sjell në këtë qytet. Kultura dhe eksperienca e këtyre vlerave ishin gërshetuar mjaft bukur?, tha ai gjatë prezantimit të ekspozitës që mblodhi dhe publikun në këtë galeri arti. Më tej drejtori i galerisë, theksoi se takime dhe eksperienca të tilla krijojnë ura lidhjeje, ku artistët japin dhe marrin mes njëri-tjetrit.

?Kjo është ajo bukuri që kanë këto ?Kolonira?, sepse sikurse në festivalet e ndryshme, si atë të muzikës, aktrimit, folklorit, edhe në këto ekspozita artistët demonstrojnë arritjet më të mira të artit pamor?, shtoi më tej drejtori i galerisë Pandi Lena. Në këtë ekspozitë u paraqitën 33 vepra të ndryshme, me identitet dhe vlera të veçanta. Artistët në të gjitha punimet i kishin kushtuar shumë vëmendje mënyrës së realizimit në këndvështrimin shumëpalësh të punimeve.

Qyteti i Fierit është i njohur për vlerat e tij kulturore, por dhe ato të trashëgimisë, ku gjatë këtyre ditëve piktorët nuk kanë munguar duke i përcjellë vlerat e kësaj pasurie edhe në tablotë e tyre të pikturës.