E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Trafikanti i drogës,kryetar grupseksioni PD-së Tepelenë. Basha anulon zgjedhjet

16 Qershor 2014, 15:10, Aktualitet CNA

PD: Nuk ju miratua kandidatura, zgjedhjet jane anuluar dhe shtyre. Burime zyrtare nga PD, thane per City FM, se kandidatura e Petrit Abedinit, nuk eshte miratuar nga kryetari i PDSH, Lulzim Basha, dhe kjo eshte arsyeja qe zgjedhjet per kete grupseksion jane anuluar per tu zhvilluar ne nje moment te dyte.

?Sot në qytetin e Tepelenës u zhvilluan zgjedhjet për kryetarin e grupseksionit te qytetit, por ndodhi një gjë e shëmtuar, kryetar u zgjodh PETRIT ABEDINI, një trafikant droge ndërkombëtar. Petrit Abedini, një trafikant droge, ka dalë me kusht nga burgu i ndihmuar nga Idaet Beqiri dhe mësohet se akoma nuk i ka mbaruar dënimi. Abedini është këshilltar në Këshillin Bashkiak të qytetit Tepelenë i zgjedhur nga partia e PS 91 e Petro Kocit.

Ai më vonë kaloi me LSI-në ku punoi shumë fort që PD-ja të pësonte humbje të thellë në rrethin e Tepelenës, kjo ndodhi nën mbështetjen e ARBEN CULLIT, ish kryetari i qarkut të Gjirokastrës, që ishte transportuesi kryesor i hashashit nga Lazarati. Kjo është e turpshme dhe është në kundërshtim të plotë me udhëzimet e kreut të PD-së, Lulzim Bashës, që po lufton klanet e drogës në PSSH dhe ka premtuar se intelektualët duhet të kthehen në krye të PDSH.?

Teksti i mësipërm është marrë nga faqja zyrtare në facebook, të Partisë Demokratike të Tepelenës. Ndërkohë nga një kërkim në internet mund të gjendet fare lehtë dhe qëndrimi i policisë në lidhje me arrestimin e Petrit Abedinit, i akuzuar për trafikant droge.

?Tepelenë, Arrestohet Petrit Abedini
Kapet me drogë kreu i Këshillit Bashkiak të qytetit të Tepelenës. Një aksion i sektorit kundër krimit të organizuar në Drejtorinë e Policisë së Gjirokastrës ka arritur të zbuloje dje në mesditë një ngarkesë lendësh narkotike prej 50 kilogramësh të fshehur nën dyshemenë e një trajleri dhe të prangosë 50-vjeçarin Petrit Abedini.

Mësohet së lenda narkotike, e tipit marijuanë e presuar, ishte nisur drejt Greqisë dhe dyshohet se në shtetin fqinj, pritej nga persona të tjerë. Petrit Abedini, 50 vjeç, mban detyrën e kryetarit të Këshillit Bashkiak të qytetit të Tepelenës dhe është përfaqesues i PSV ?91, ndërsa pak kohë më parë ka qënë ne postin e kryetarit të degës së LSI-së në këtë qytet.

Vec aktivitetit politik, 50-vjeçari njihet në qytetin e lindjes dhe si tregtar mielli. Shpeshherë ai udhëtonte drejt Greqisë me pretendimin se kryente shkëmbim tregtar. Nga burime të sigurta të policisë mësohet se Abedini survejohej prej disa muajsh nga shërbimet sekrete të policisë.

Mësohet se operacioni i koduar ?Pritja?, që u finalizua me kapjen e tij, ka nisur rreth dy muaj më parë nga agjentët dhe specialistët e policisë të sektorit të luftës kundër krimit të organizuar. Gjatë kesaj kohe është vëzhguar çdo lëvizje e tij, deri sa është bërë dokumentimi ligjor për përfshirjen e tij në trafikun e lëndës narkotike. Operacioni ?Pritja? u finalizua dje, rreth ores 14:30, teksa Abedini, lindur e banues në Tepelenë është ndaluar në pikën doganore të Kakavijës.?