web counter
LEXO PA REKLAMA!

SHKARKO APP

App Store
Google Play

Përçahen socialistët e Beratit, sherr Balla-Zotkaj

6 Qershor 2014, 20:50, Politikë CNA

Ditën e sotme është zhvilluar takimi i parë i të zgjedhurve vendorë të Partisë Socialiste dhe Lëvizjes Socialiste për Integrim dhe deputetëve të këtyre dy forcave për qarkun e Beratit. 
Në këtë mbledhje ka marrë pjesë edhe koordinatori kombëtar për mbarëvajtjen e koalicionit PS-LSI, Taulant Balla, i cili, po ashtu, përpara mbledhjes me të zgjedhurit vendorë ka zhvilluar edhe një mbledhje me drejtuesit rajonal të qarkut të Beratit. 
Gjatë fjalës së koordinatorit Balla, në një moment ka ndërhyrë kryetari I bashkisë së Poliçanit, Adriatik Zotkaj, i cili i ka kërkuar Ballës të ulë zërin kur u drejtohet të zgjedhurve vendorë të PS-se në qarkun e Beratit, pasi po u drejtohet socialistëve dhe jo Sali Berishës në Parlament. Kaq ka mjaftuar që debati të marrë një drejtim tjetër. Balla i ka kërkuar të zgjedhurit Zotkaj, që ky i fundit të ulë zërin e mos t?i drejtohet atij në këtë mënyrë. 
Zotkaj, i njohur për publikun si problematik, është acaruar dhe është çuar, gati për ta goditur Taulant Ballën, mirëpo është dashur ndërhyrja e të zgjedhurve të tjerë vendorë, qe sherri mos të degradonte në dhunë fizike.
Pas incidentit me Zotkën, deputeti Balla e ka mbyllur mbledhjen dhe nuk ka vijuar më tej. 
Përpara mbledhjes me të zgjedhurit vendorë, koordinatori për mbarëvajtjen e koalicionit mes PS-së dhe LSI-së, Taulant Balla, ka zhvilluar edhe një takim me drejtuesit rajonal të Beratit, takim i cili, po ashtu, është shoqëruar me ankesa të shumta në lidhje me dy deputetët e tjerë të PS-së së Beratit, Eduart Shalsi dhe Eduart Bejko, të cilët, sipas drejtuesve rajonal, janë deputetë që nuk iu përgjigjen halleve dhe problematikave të strukturave. 
Në këtë mbledhje kanë marrë pjesë edhe drejtorët dhe deputetët e LSI-së, mirëpo këta duket se i kanë sheshuar problematikat mes veti dhe janë duke kaluar muajt e mjaltit me pushtetin e ri të dalë nga zgjedhjet e 23 qershorit.





Lajmet e fundit nga