web counter
LEXO PA REKLAMA!

SHKARKO APP

App Store
Google Play

PD: Rama, fushatë të re spastrimi në polici pas rekomandimit për statusin

6 Qershor 2014, 22:00, Politikë CNA

Deputeti i Partisë Demokratike, Arben Ristani, e ka quajtur të turpshme fushatën e spastrimit të punonjësve nga radhët e policisë nga ana e Kryeministrit Rama. Me anë të një deklarate drejtuar mediave, Rastani theksoi se janë larguar nga puna 18 oficer karriere dhe 5 drejtues të lartë. Sipas Ristani, profesionalizmi po zëvendësohet me militantizëm.

?Kryeministri Rama ka nisur një fushatë të re spastrimi në Policinë e Shtetit, menjëherë pas marrjes nga Komisioni Europian të rekomandimit për statusin e vendit kandidat.

18 oficerë karriere, dhe 5 drejtues të lartë, janë larguar nga puna, pa motiv ligjor, menjëherë pas marrjes së rekomandimit.

Kur nevoja për zbatimin e ligjit dhe standarteve është rritur përpara vendimit për statusin, kur sapo ka përfunduar një grevë urie e të larguarve arbitrarisht nga puna, kur administrata dhe  policia janë bërë cështje e ditës, kur pritet pjekuri nga Kryeministri, Edi Rama bën krejt të kundërtën duke larguar nga policia profesionistët e mbetur për t?i hapur rrugë militantëve të paaftë.

Pasojat e kësaj politike me Policinë e Shtetit, kthimi i saj në polici të partisë, emërimi në poste kyçe i personave me lidhje kriminale në të kaluarën, i kanë dhënë rezultatet.

Treguesit e rendit dhe të pasigurisë së jetës, në vend janë përkeqësuar.

Këtë kryeministri e di mirë, por popullit ia fsheh.

Në këto 5 muaj, kanë ndodhur 375 vjedhje prone më shumë se në 6 muajt e vitit të shkuar.

Në këto 5 muaj, kanë ndodhur 138 aksidente më shumë se e njëjta periudhë e vitit të mëparshëm.

Kanë ndodhur më shumë vrasje në këto 5 muaj, dhe më shumë viktima, se sa e njëjta periudhë e një viti më parë.

Të nderuar qytetar, kjo është paaftësia dhe hiprokrizia e rilindjes, kjo është puna e saj, duke përkeqësuar jetën tonë me ritme skandaloze.? ka thënë Ristani.





Lajmet e fundit nga