web counter
LEXO PA REKLAMA!

SHKARKO APP

Vlorë, Shkarkohet ish kryetari, Sadrit Danaj zgjidhet në krye të Këshillit të Qarkut

3 Qershor 2014, 22:00, Aktualitet CNA

Sadrit Danaj u zgjodh të mërkurën kryetar i Këshillit të Qarkut të Vlorës, në përfundim të procesit të votimit që u zhvillua gjatë një mbledhje të jashtëzakonshme të këtij këshilli, të thirrur nga më shumë se një e treta e anëtarëve të tij. Për Danajn, që përfaqëson Partinë Socialiste, votuan 40 anëtarë, aq sa ishin të pranishëm në këtë mbledhje.

Para procesit të votimit për zgjedhjen e tij, Këshilli i Qarkut shkarkoi ish kryetarin Anesti Dhimojani, i cili e kundërshtoi zhvillimin e kësaj mbledhjeje. Madje kujtojmë se Dhimojani dje ka bërë një kallëzim penal ndaj një grupi këshilltarësh që kanë kërkuar shkarkimin e tij, të nënkryetarit dhe sekretarit dhe zëvendësimin e tyre me drejtues të rinj. 1/3 e këshilltarëve të qarkut kanë firmosur një mocion mosbesimi ku kërkojnë shkarkimin e kreut të Këshillit të Qarkut.

Në fillim të saj, Dhimojani, përfaqësues i Partisë Demokratike, u shpreh se nuk ishin respektuar procedurat ligjore për thirrjen e kësaj mbledhje, sepse shumë prej antarëve, sipas tij, ishin njoftuar vetëm 2 ditë më parë.





Lajmet e fundit nga