E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Nikaj mashtron, askush nuk është kërcënuar

17 Maj 2014, 22:00, Politikë CNA

Kryetarja e re e Qarkut Korçë, zonja Irena Nikaj, ka dalë dje në një konferencë për mediat, por nuk ka dashur të prononcohet në lidhje me pyetjen e drejtuar nga City FM, nëse do të jepte dorëheqjen në rast se do të vertetoheshin akuzat e opozitës për shitje të votës nga ana e këshilltarëve të PD-së që kaluan në radhët e Partisë Socialiste. Nikaj ka deklaruar se këto akuza nuk janë të faktuara. Sipas saj e vërtetuar është që, dy këshilltarë që kishin vendosur të merrnin pjesë në votim, iu bë presion për t?u larguar dhe ata u larguan. Ata ishin pjesë e opozitës dhe presioni u bë nga opozita për opozitën.

Pas deklaratës që Nikaj ka bërë për City FM, Nënkryetari i Grupit Parlamentar të Partisë Socialiste, Taulant Balla dhe Kryetari i Komunës së Maliqit, Gëzim Topçiu, kanë deklaruar se, ndaj dy këshilltarëve të PD-së, ka patur këncënim që ata të mos marrin pjesë në votimin që u zhvillua para dy ditëve në Këshillin e Qarkut Korçë, për zgjedhjen e Kryetarit të ri të këtij institucioni. Por mesa duket ky është vetëm një skenar politik, pasi siç konfirmohet nga zyrtarët e Policisë së Korçës dhe nga Prokuroria asnjë nga këta dy këshilltarë, apo drejtues të Partisë Socialiste, nuk kanë bërë denoncim në këto dy institucione për kërcënimin e denoncuar publikisht, nga zyrtarët e PS-së.

Kërcënimi, apo kanosja për shkak të detyrës, përbën vepër penale dhe dënohet me ligj. A thua se drejtuesit e PS-së apo vetë këshilltarët nuk e dinë këtë fakt. Mazhoranca qeverisëse ndryshoi raportet në Këshillin e Qarkut, duke trafikuar këshilltarët, denoncim ky i bërë nga zyrtarët e PD-së. Një skenar tjetër u luajt për kredo dhe për të fituar opinionin publik, duke shpikur një gënjeshtër për gjoja këshilltarë të kërcënuar, për të tërhequr vëmendjen nga trafikimi i votave që iu bë këshilltarëve të Këshillit të Qarkut Korçë.

Drejtuesit e PS-së ashtu si edhe Drejtuesja e Qarkut, zonja Irena Nikaj, deklaruan se dy këshilltarët janë kërcënuar, por në fakt sipas organet kompetente, kërcënimi nuk egziston. Policia e Korçës dhe Prokuroria thanë për City FM, se nuk ka asnjë denoncim lidhur me këtë rast. Por nga ana tjetër këto institucione duhet të fillojnë hetimet për kercenimet ndaj këshilltarëve të PD-së ose për mashtrim publik bërë nga drejtuesit e PS-së. Të shpresojmë që Kryetarja e Qarkut, Irena Nikaj, do të bëhet zyrtarja e parë që do të pranojë këtë lojë dhe gënjeshtër politike përara opinionit korçar dhe të kërkojë ndjesë publike për gënjeshtrat ose të shkojë në Prokurori dhe të denoncojë kërcënimet e këshilltarëve.