web counter
LEXO PA REKLAMA!

SHKARKO APP

App Store
Google Play

Opozita braktis komisionin hetimor, depoziton në Kuvend një kërkesë për ngritjen e një komisioni të ri

12 Maj 2014, 22:00, Politikë CNA

Opozita ka braktisur sot komisionin hetimor për hetimin e akuzave mbi implikimin e Forcave të Armatosura dhe bazave ushtarake në veprimtari të kundërligjshme – transportin e lëndëve narkotike, me pretendimin se ky komision nuk ka më se çfarë heton, pasi publiku e ka marrë vesh që trafiku i drogës ekziston. Nënkryetari Bylykbashi u shpreh: ?Komisioni të mbyllë veprimtarinë. Të gjithë shqiptarët sot i kanë parë provat me sytë e tyre, ky komision nuk mund të përgënjeshtrojë më akuzat e opozitës. I arrestuari e pranoi se avioni do ulej në Gjadër, ai ishte avion narkotrafikantësh. Ky komision e ka mbyllur punën e tij, nuk ka më se çfarë të hetojë?. Ndërsa Kryetarja e Komisionit Felaj u shpreh më tej se, akuzat e opozitës për trafik droge janë shpifje.

Nga ana tjetër, zhvillimet e fundit, tentativa e trafikut të drogës nga ajri dhe bllokimi i avionit italian në plazhin e Divjakës, ka shtyrë Partinë Demokratike që të kërkojë një komision të ri hetimor për të hetuar lidhur me trafikun e drogës në të gjithë vendin.

Burime nga PD-ja bëjnë të ditur se opozita kërkon mbylljen e Komisionit të mëparshëm Hetimor, i ngritur për të hetuar akuzat e opozitës, përsa i përket përdorimit të mundshëm të insfrastrukturës së Forcave të Armatosura për të trafikuar lëndë narkotike jashtë vendit, duke depozituar në kuvend një kërkesë për ngritjen e një komisioni të ri. Kërkesa është depozituar në orën 08:30 nga deputeti Eduard Halimi.





Lajmet e fundit nga