web counter
LEXO PA REKLAMA!

SHKARKO APP

App Store
Google Play

Vendoset në Korçë Memoriali në nderim të Misionit Amerikan

7 Maj 2014, 22:00, Aktualitet CNA

Bashkia Korçë me vendim të Këshillit Bashkiak i ka dhënë titullin “Emblema e Artë e Qytetit”, gazetarit dhe shkrimtarit shqiptaro-amerikan Z. Peter Lucas me motivacionin: ?Për kontributin e tij në evidentimin dhe vlerësimin e figurave historike, veçanërisht të misionarëve shqiptaro-amerikanë me origjinë nga Korça të dedikuar për çlirimin e Shqipërisë?.

Ceremonia e dorëzimit të këtij titulli u organizua në Bashkinë e qytetit të Korçës. Ceremoninë e kanë nderuar në mënyrë të veçantë me pjesëmarrjen e tyre ish-presidenti i Republikës Alfred Moisiu, Ambasadori i Shteteve të Bashkuara të Amerikës Alexander Arvizu, Prefekti i Qarkut të Korçës Ardit Konomi, anëtarë të Këshillit Bashkiak të qytetit, përfaqësues të Shoqatës të Veteranëve shqiptaro-amerikanë të Luftës së dytë Botërore, Konsulli i Përgjithshëm grek në Korçë, Mitropoliti i Korcçës Imzot Johani,  Shefi i Shtabit të Përgjithshem të Forcave të Armatosura Gjeneralmajor Jeronim Bazo si edhe shumë personalitete të tjerë dhe drejtues institucionesh të qytetit të Korçës e më gjerë.

Këtë aktivitet e pasoi ceremonia zyrtare e përurimit të Memorialit në nderim të pjesëmarrësve të Misionit Amerikan që ka vepruar në Shqipëri në Luftën II Botërore. Vendosja e këtij Memoriali ka qënë një iniciativë e zotit Peter Lucas dhe e Shoqatës së Veteranëve shqiptaro ?amerikanë të Luftës së Dytë Botërore.

Kjo ceremoni është hapur me fjalën pershendetese të Zv.kryetares së bashkisë Benila Themeli e cila e vlerësoi vendosjen e këtij memoriali si një vlerë të shtuar për qytetin e Korçës që do të ndikojë në forcimin e urave të miqësisë së mirë dhe bashkëpunimit mes Shqipërisë dhe SHBA.

Ceremonia e Vendosjes të këtij Memoriali u përshëndet edhe nga Ambasadori i Shteteve të Bashkuara të Amerikës Aleksander Arvizu, Ish Presidenti i Republikës Alfred Moisiu si edhe nga Shefi i Shtabit të Përgjithshëm të Forcave të Armatosura Gjeneralmajor Jeronim Bazo.





Lajmet e fundit nga