web counter
LEXO PA REKLAMA!

SHKARKO APP

App Store
Google Play

Korça, "Kryeqyteti i investimeve gjermane në Shqipëri"

6 Maj 2014, 22:00, Aktualitet CNA

Përfaqësues të Ministrisë Federale për Bashkëpunim Ekonomik dhe Zhvillim (BMZ), Bankës Gjermane për Zhvillim (KFW) si edhe Shoqërisë Gjermane për Bashkëpunim Ndërkombëtar (GIZ) janë pritur në një takim në Bashkinë Korçë. Ky delegacion është takuar me drejtues të bashkisë së qytetit, partnerët përfaqesues të programeve dhe projekteve të realizuara në Rajonin e Korçës, të mbështetura financiarisht dhe teknikisht nga këto institucione të rëndësishme gjermane.

Në këtë takim të rëndësishëm zv.kryetarja e Bashkisë Korçë, Benila Themeli, duke e konsideruar Korçën si ?Kryeqytetin e investimeve gjermane në Shqipëri? ka bërë një prezantim të të gjitha projekteve të realizuara gjatë viteve të fundit me mbështetjen financiare të KFW-së dhe asistencën teknike të GIZ, duke përmenduar këtu: Sistemin e Ujësjellës Kanalizimeve, Projektin e Menaxhimit të Mbetjeve të Ngurta, çeljen dhe funksionimin e Zyrës së Zhvillimit Ekonomik pranë Bashkisë Korçë etj.

Ajo ka shprehur deshirën dhe vullnetin e mirë të Bashkisë Korçë për thellimin e këtij bashkëpunimi, si edhe replikimin e këtij modeli të suksesshëm dhe të qëndrueshëm duke bërë të mundur zhvillimin ekonomik të krejt Rajonit të Korçës si dhe përmirësimin e cilësisë së jetës për banorët e tij.

Mbas këtij takimi me iniciativën e GIZ nëpërmjet një shfaqjeje të shkurtër teatrale dhe prezantimit të eksperiencave personale nga ana e disa prej zonjave përfaqësuese të Shoqatës së Grave Profesioniste, Afariste dhe Zejtare është trasmetuar mesazhi sensibilizues i bashkëpunimit ndërmjet bizneseve me të njëjtën veprimtari quajtur ndryshe ?Metoda Bërthamë?. Kjo metodë bashkëpunimi ka si qëllim shkëmbimin e njohurive, eksperiencave, sfidave dhe pengesave si dhe rritjen e të ardhurave për të gjitha bizneset.





Lajmet e fundit nga