web counter
LEXO PA REKLAMA!

SHKARKO APP

App Store
Google Play

E fundit!

x

Reforma në arsim. Rikthehet mesatarja 7 për pranimet në universitet

7 Maj 2014, 22:00, Aktualitet CNA

Profesioni i mësuesisë, duke filluar nga viti i ardhshëm, do të ketë rregulla të reja. Reforma e Arsimit të Lartë ka bërë një rishikim të detajuar të degëve të mësuesisë, të cilat diferencojnë në mënyrë të dukshme kualifikimet që duhet të kenë mësuesit e rinj që do të punojnë në kopshte, shkollat fillore dhe arsimin e mesëm të ulët dhe të lartë. Një ndër sugjerimet e komisionit të reformës së arsimit të lartë është që mësuesia duhet të organizohet në dy cikle.

Cikli i parë (Diplomë Bachelor) me 3 vite dhe 180 kredite të ndjekura nga studimet e ciklit të dytë me 1-2 vite me 60-120 kredite (Master Profesional; Master i Shkencave). Mësuesit e arsimit parashkollor dhe atij fillor duhet të formohen nga studime bachelor 3-vjeçare me 180 kredite me kurrikul të ndërtuar për këtë cikël, shkruan GSH. Pas këtyre studimeve, studentët mund të kalojnë në tregun e punës si mësues ndihmës, pasi kanë marrë të drejtën e ushtrimit të profesionit, pas provimit të licencimit, pra provimit të shtetit.

Një tjetër mundësi për këta studentë është vazhdimi i ciklit të dytë të studimeve Master Profesional 60 kredite 1-vjeçar, i cili duhet të jetë i diferencuar në MP, që përgatit mësues për arsimin parashkollor ose MP, për arsimin fillor. Pas fitimit të diplomës së ciklit të dytë të diplomuarit sipas titullit përkatës të diplomës mund të kalojnë në tregun e punës si mësues, pasi kanë marrë të drejtën e ushtrimit të profesionit.

Ndërkohë Arjan Gjonça, që drejton Komisionin për Reformën në Arsim, tha për Panoramën se është menduar që të rikthehet mesatarja për pranimet në universitete. Fillimisht do jetë mesatarja 6 dhe më pas do bëhet 7. Sipas ligjit të ri, studentët do marrin kredi pa interes dhe do e shlyejnë atë gjatë kohës që janë në punë.

Gazeta Tema





Lajmet e fundit nga