web counter
LEXO PA REKLAMA!

SHKARKO APP

App Store
Google Play

E fundit!

x

Politika rivret viktimën

30 Prill 2014, 22:00, Aktualitet CNA

I ftuar në emisionin e së hënës ?Njerëz në Fokus? në News 24 ministri i mirëqënies sociale Erion Veliaj, i pyetur lidhur me rastin e 52-vjeçares Meka nga Korça, e cila para 2 javësh, u vetëhelmua pas vendimit për transferim nga puna, është shprehur se ajo u kap me shkelje. Sipas tij drejtori i parë kishte kërkuar që ajo të hiqej nga puna, por Drejtoresha e re, e zbuti masën dhe nuk e hoqi nga puna por kërkoi që Meka të transferohej. Familjarët akuzojnë Drejtoreshën e Sigurimeve Shoqërore në Korçë, Ana Verushin, si përgjegjëse për humbjen e jetës së 52 vjeçares. Veliaj ka sulmuar viktimën, duke mbrojtur drejtoreshën e re, e cila aktualisht është Kryetare e Partise Socialiste e rrethit të Korçës. Vendimi i duhur do të ishte shkarkimi i saj nga detyra dhe Veliaj duhet të kërkonte ndjesë publike për qytetarët e Korçës dhe njerëzit që punojnë në administratë. Por Veliaj nuk bëri gjë tjetër veçse politizoi më tej çështjen duke e çuar atë tek një ish drejtor politik, për të shpëtuar drejtoreshën e re politike. Edhe PS edhe PD, ministrat apo drejtorët përpara se të akuzojnë viktimat apo të bëjnë lojra politike për të shpëtuar lekurën e tyre për t?ja faturuar viktimën njëri-tjetrit, duhet të heqin dorë nga lëvizjet dhe reformat politike në administratë dhe minimalisht të heshtin kur nuk kërkojnë dot ndjesë.

Pas deklaratës së ministrit Veliaj, ka reaguar sot Dega e Partisë Demokratike në Korçë. ?Të ndalet revanshi i shpifjeve. Pyesim cili ishte motivi i largimit nga puna të Brunilda Mekës. Ndaj saj nuk ka asnjë masë administrative në fuqi?- thuhet në reagimin e PD-së.





Lajmet e fundit nga