web counter
LEXO PA REKLAMA!

SHKARKO APP

App Store
Google Play

Prezantohet skema e pensioneve, Rama: Në thelb të reformës është pensioni dinjitoz

28 Prill 2014, 22:00, Politikë CNA

Qeveria prezantoi sot publikisht reformën e re të pensioneve, ndërsa Kryeministri Edi Rama garantoi se në themel të saj është pensioni dinjitoz, që do të varet nga kontributet. Sipas tij, heqja e tavanit të pensionit do të motivojë çdo individ të deklarojë pagën reale për efekt të pensionit që do të marrë nesër. Kryeministri kërkoi të mos bëhen spekulime për rritjen e moshës së pensionit, ndërsa e konsideroi si emergjencë ndërmarrjen e një reforme të tillë. ?Skema e re e pensioneve nuk do të prekë ata që do të dalin sot në pension por ata që do të dalin në 2032.? është shprehur Rama, duke e cilësuar  këtë reformë ?të domosdoshme? . Sipas shefit të qeverisë, heqja e tavanit të pensionit do të motivojë çdo individ të deklarojë pagën reale për efekt të pensionit që do të marrë nesër.

Ndërsa Ministri i Mirëqënies Sociale dhe Rinisë, Erion Veliaj në fjalën e tij paraqiti skemat në lidhje me pensionet, ku së pari përfshihet skema profesionale e detyrueshme  dhe së dyti tek heqja e tatimit të dyfishtë. Veliaj theksoi se propozimi do të mundësojë që një qytetar në skemën e re të marrë trefishin e pensionit social që është pjesa bazë, fondin e detyruar publik dhe një pension privat.

Përfaqësuesja e Bankës Botërore të Shqipërisë, Tahsin Sajed vuri theksin tek rëndësia e kësaj reforme duke u shprehur se ?nëse nuk derdhen kontribute rrezikohet e ardhmja e pensioneve. Është një proces që duhet kuptuar gjërësisht dhe në kohën e duhur. Skema e pensioneve ka nevojë për reformim?, deklaroi ajo.





Lajmet e fundit nga