web counter
LEXO PA REKLAMA!

SHKARKO APP

App Store
Google Play

Ngjela: Rama ka frikë që nuk hyn në zgjedhje brenda partisë, i druhet dypushtetit

26 Prill 2014, 22:00, Politikë CNA

I pyetur për debatin Blushi-Rama, për mandatin e Kryeministrit Spartak Ngjela, kryetar i PLiDr, i ftuar në emisionin ?Opinion? në News24 u shpreh: ?Partia Socialiste juridikisht nuk ka kryetar. Kryeministri që është dhe kryetar thotë se vazhdoj të jem kryetar edhe pas mandatit. Duhet zbatuar statuti që e kanë pranuar të gjithë bashkë dhe e kanë depozituar dhe në gjykatë. Sipas konservatorëve, Kryeministrin britanik e ka në dorë grupi parlamentar, pra e rrëzon ose e mban grupi kur është në pushtet. Ashtu u rrëzua Theçer. Blushi thotë ne s?kemi kryetar. Pyetja lind: pse këta që e heqin veten si lider i druhen dypushtetit?! Ai nuk hyn në zgjedhje për kryetar sepse ka frikë se nuk del. Aq më mirë nëse nuk del, partia të ketë një kryetar dhe një Kryeministër.?

Ngjela ka shtuar më tej se kjo është thjesht një frikë nga ana e Ramës, për shkak të rënies së popullaritetit të tij kohët e fundit. ?Rama thotë se po bëj rilindje. Na del se ai nuk po bën rilindje, por rivdekje, sepse Nano nuk e bënte këtë. Nano u tërhoq, dha dorëheqjen, ishte një politikan që kishte kalibër. Por fakti që Rama ka frikë të hyjë në garë tregon se atij i ka rënë mbështetja në sondazhe dhe kjo është e dukshme. Blushi do të jetë kryeministri hije i opozitës së heshtur brenda partisë së tij. Rama duhet të respektojë opozitën e heshtur brenda partisë së tij sepse nuk mund të bëhet monark. Edhe kjo shkon të dizavantazh, sepse populli mendon se Rama ka frikë që nuk hyn në zgjedhje brenda partisë. Nëse Rama mendon se nuk rizgjidhet dot në krye të PS, le të mos hyjë në zgjedhje për kryetar dhe të mbajë postin e Kryeministrit, por jo të fshihet pas një peme që nuk ia mbulon dot shpatullat e tij.? ka thënë Ngjela dje në emisionin ?Opinion? në News24.





Lajmet e fundit nga