web counter
LEXO PA REKLAMA!

SHKARKO APP

App Store
Google Play

E fundit!

x

Bode: FMN propozon rritje taksash, shkak dështimi i qeverisë

20 Mars 2014, 23:00, Politikë CNA

Marrëveshjen e qeverisë me Fondin Monetar, Partia Demokratike e ka cilësuar si fshehje të termave. Sipas opozitës, kjo marrëveshje parashikon futjen e taksave të reja dhe performancës së keqe të qeverisë dhe përkeqësim të shpejtë të ekonomisë. Në një konferencë për shtyp, deputeti dhe ish ministri i financave Ridvan Bode ka theksuar se FMN është i alarmuar për risqet e mëdha që paraqet borxhi i rritur me aq lehtësi nga qeveria Rama vetëm në harkun e pak muajve duke qenë ?më i larti ndër vendet e Europës Qendrore, Lindore e Juglindore?. ?Performanca e dobët e qeverisë, mungesa e reformave dhe amullia që ka sjellë në ekonomi qeveria Rama, për shkak të paaftësisë dhe klientelizmit, do sjellë rritje të reja taksash pasi rritja e taksave, bërë ne dhjetor të vitit të shkuar për vitin 2014 ka dhënë rezultate të pamjaftueshme.? ka thënë Bode, duke e cilësuar të turpshëm përgënjeshtrimin e kryeministrit Rama, pasi në faqe 29 të raportit, paragrafi i 3, janë propozuar si mundësi:
? Vendosja e TVSH në arsim;
? Vendosja e pagesave toll në rrugët e vendit;
? Rritjen me 50% të taksës mbi tregtimin e makinave të përdorura;
? Futjen e TVSH për ndërtimet-banesat e reja;
? Futja e një takes për hyrje daljet nga Shqipëria të popullsisë vendase;
? Vendosja e taksës mbi pronën (shtëpi, tokë) sipas vlerës;
? Futja e jjë takes vjetore për përdorimin e makinave bazuar në vlerën e tyre;
? Rritjen e tatimit mbi të ardhurat e individëve, përfshi dhe interesat e depozitave dhe dividendin nga 10 në 12% (rritje 20%);
? Vendosjen e një akcize mbi të ashtuquajtur mallrat e luksit.
Sipas Ridvan Bodes, kryeministri Rama mohoi rritjen e çmimit të energjisë, ndërkohë që në memorandum, në faqen 46 të tij shpreh angazhimin e qeverisë shqiptare se në qershor të këtij viti çmimi i energjisë për popullatën do të afrohet me çmimet e tregut ndërkombëtar. Sipas Bodes, memorandumi i bashkëpunimit të qeverisë Rama me FMN është dëshmia më e qartë e pasojave të rënda dhe kostove të papërballueshme që solli për vendin një qeverisje diletante, klienteliste dhe e papërgjegjshme.





Lajmet e fundit nga