E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Shqiptaret e vrare ne SIri

17 Mars 2014, 19:11, Kosova & Bota CNA

Zbulohet raporti i SHISH-it për të arrestuarit për terrorizëm, që tashmë ndodhet në dosjen e Prokurorisë së Krimeve të Rënda. Sipas të dhënave të grumbulluara nga Shërbimi Informativ Shtetëror, koka e celulës terroriste ishte imami i vetëshpallur i xhamisë së Unazës së Re, Genci Balla.

Edhe në vendimin e gjykatës për caktimin e masës së sigurisë ndaj personazhit kryesor të grupit, imamit Balla, citohet raporti i detajuar i Shërbimit Informativ për këtë person. ?Shtetasi Genci Balla së bashku me elementë të tjerë të sektit Selafi, drejtues të grupeve lokale, evidentohen në mënyrë të vazhduar nga ana jonë si përgjegjësit kryesorë për dërgimin shtetasve shqiptare (burra, gra e fëmijë) për në Siri, ku shumë prej tyre janë trajnuar për luftë dhe indoktrinuar me ideologji radikale, për t?u angazhuar më pas në luftime në përbërje të grupeve xhihadiste që janë nën sanksione nga Organizata e Kombeve të Bashkuara?-citohet raporti i SHISH.

SHISH evidenton faktin se ka pasur informacion për vite me radhë për këtë person që është mbajtur në mbikëqyrje të vazhdueshme. ?Prej disa vitesh (6 vjet) ushtron aktivitet fetar ilegal, të palegalizuar/ligjëruar nga institucioni fetar i KMSH-së (Komuniteti Mysliman Shqiptar). Nëpërmjet nxitjes së tij, një numër i konsiderueshëm besimtarësh shqiptarë u janë bashkuar formacioneve luftarake terroriste në Siri?, thuhet në vendimin e gjykatës.

Një raport i ngjashëm me detaje e të dhëna citohet edhe në vendimin e gjykatës për masën arrest me burg ndaj imamit të xhamisë së Mëzezit, Bujar Hysa, i cili ashtu si Balla, cilësohet organizator i veprimtarisë.

Në raportin e SHISH-it, theksohet se në luftën në Siri janë dërguar 90 shqiptarë, 6 prej të cilëve kanë humbur jetën dhe 12 të tjerë janë plagosur. Sipas të dhënave të SHISH, personat që kanë humbur jetën janë Anri Maliqaj, E.Xhelo, D.Rasha, D.Jangulli, H.Muslija, H.Korvalaj.

Sipas raportit, besimtarët dërgoheshin në Siri përmes Aeroportit të Rinasit ose kufirit tokësor, ose duke ndjekur itinerarin Pogradec-Maqedoni-Bullgari.

GAZETA DITA