web counter
LEXO PA REKLAMA!

SHKARKO APP

App Store
Google Play

Trendi i ri/ Nënat bëjnë grim para se të sjellin në jetë bebet, arsyeja do t'iu habisë

8 Shtator 2022, 14:39, Trending CNA
Trendi i ri/ Nënat bëjnë grim para se të sjellin në
Gruaja bën grimin

Sjellja në jetë e një fëmije është një ndër momentet më të bukura për një nënë, por edhe një ndër momentet ku thuhet se gruaja e ka jetën "në fill të perit".

Para se të shkojnë në maternitet, nënat gjithmonë përgatisin çantën e bebit, në të cilën duhet të kenë gati të gjitha gjërat që do t'i nevojiten foshnjës sapo të lindë, por edhe vetë nënës lehonë. 

Mirëpo së fundmi një trend i ri po vërehet te nënat e reja, ato aplikojnë grim para se të sjellin në jetë fëmijën. Një sondazh i fundit tregoi, në fakt, se 68% e grave në Britani përdorin "make up" edhe disa orë para lindjes, ndërkohë që kontraktimet e mitrës tashmë kanë filluar.
Pse e bëjnë?

Duke qenë se gratë dhe vajzat bëjnë shpesh "make up" për t'u qetësuar apo për të rritur vetëbesimin, me sa duket tashmë po e përdorin këtë për të humbur mendjen e tyre nga dhimbjet që i kaplojnë në çastet e fundit.

“Shkova në maternitet në orën 7:30, lindja zgjati 10 orë! Më duhej diçka që të më shpërqendronte nga dhimbja dhe kontraktimet”, tha grimierja Alaha Karimi për "Daily Mail" për vendimin e saj për të grimuar pak para se të lindte fëmijën e saj.

Por gjithashtu një tjetër arsye lidhet me dëshirën që një nënë të jetë e bukur në takimin e parë me beben e saj./ CNA.al





Lajmet e fundit nga