Cili është qyteti më ‘i pasjellshëm’ në botë?

6 Shtator 2022, 21:15, Trending CNA

Cili është qyteti më ‘i pasjellshëm’ në

Një studim mjaft interesant është botuar së fundmi i cili rendit disa nga qytetet më ‘arrogante’ në botë për vitin 2022.

Në sondazhin e tyre vjetor, "Time Out Magazine" anketoi më shumë se 27,000 banorë nga qytete të ndryshme të botës nga Melburni në Madrid, Çikago në Kopenhagën dhe Tel Avivi në Tokio për të arritur në disa përfundim vërtetë intriguese.

Sipas mijëra njerëzve që morën pjesë në këtë indeks, Miami u emërua qyteti i tretë më i vrazhdë në botë, i pasuar nga Hong Kongu në vendin e dytë dhe Berlini në të parin!

Miami

Tri qytetet më të vrazhda janë gjithashtu disa nga metropolet më tërheqëse dhe të avancuara për sa i përket artit, teknologjisë, ushqimit e aktiviteteve kulturore.

Ndërkohë, Manila – kryeqyteti i Filipineve – u votua si qyteti më pak i vrazhdë në botë.

Mesa duket, nuk duhet të habitemi.

Të qenit ‘arrogant’ është një karakteristikë që vjen bashkë me të qenit një Berliner – dhe këta të fundit, e veshin këtë pjesë të personalitetit të tyre me shumë krenari!

Berlini

Dhe pse është Berlini kaq krenar me ‘vrazhdësinë’ e tij?

Në fakt, është mjaft e thjeshtë.

Në kryeqytetin gjerman, vrazhdësia është pjesë e përditshmërisë. Madje, atje ekziston edhe një term për këtë dhe ai është pikërisht: Berliner Schnauze.

Berlinezët janë krenarë për Schnauze-n e tyre: fjalë për fjalë ‘feçkë’ ose ‘noçkë’ që në shqip do të përngjasonte me shprehjet ‘turivarur!’ apo ‘Mos i var turinjtë!’ – një shprehje që me sa duket nuk duhet t’ia themi kurrë një Berliner-i krenar!

Thuhet se Berliner Schnauze është një shprehje që ka buruar nga dialekti i klasës punëtore në kryeqytetin gjerman.

I karakterizuar nga një ritëm stakato, tinguj të ashpër, ironi thumbuese dhe një urrejtje të veçantë për ‘pozuesit’ apo njerëzit fals, ky dialekt është shpeshherë mjaft i vështirë për t’u kuptuar edhe nga vetë gjermanët që vijnë nga të tjera qytete.

Berlini

Historianët e kanë spikatur origjinën e këtij dialekt në periudhën kur Berlini nisi të transformohej në një qytet modern e industrial. Popuj të ndryshëm europian migruan në Berlin duke bërë që ky dialekt kaq i veçantë të huazonte fjalë e tinguj nga gjuhë të ndryshme nga frëngjishtja e deri tek jidish apo yiddish – një gjuhë e folur nga hebrenjtë që jetonin në Europën qendrore dhe atë lindore përpara Holokaustit.

Pra, herën tjetër që jeni në Berlin, bëni kujdes pasi në sondazhin e Time Out Index, plot 55% e berlinezëve të anketuar e përshkruan qytetin e tyre si të pasjellshëm, ama duket qartë që shumica e tyre nuk e shohin aspak këtë karakteristikë si diçka negative, madje ata krenohen me të qenurit një Berliner Shnauze!/ Euronews Albania