web counter
LEXO PA REKLAMA!

SHKARKO APP

App Store
Google Play

E fundit!

x

Xiaomi nxjerr në treg Smartwatch-et e rinj/ Çmimi i tyre do t’iu befasojë

28 Dhjetor 2022, 16:10, Tech CNA

Xiaomi nxjerr në treg Smartwatch-et e rinj/ Çmimi i tyre do

 

Xiaomi, ka zbuluar daljen në treg të dy orave të reja inteligjente të përshatura për të gjitha shijet e njerëzve.

Bëhet fjalë për Redmi Watch 3 dhe Redmi Band 2, të cilat fillimisht do të  dalin në tregun Kinëz, pa e ditur se kur do të arrijnë në Europë.

Redmi Watch 3 vjen me një ekran AMOLED 1.7 inç që mbështet shpejtësinë e rifreskimit 60 Hz dhe 431 PPI, ndërsa ndriçimi i tij arrin 600 nit. Pajisja do të ketë një ekran Alëays-On për ata të cilët duan të shikojnë orën vazhdimisht.

Kompania premton një rritje të kohëzgjatjes së baterisë në krahasim me orët e mëparshme deri në 12 ditë. Ai gjithashtu do të ketë Sp02 për të matur oksigjenin në gjak. 

Përveç kësaj, ju do të mund të notoni duke mbajtur orën në dorën tuaj pa problem pasi SmartËatch-et e rinj kanë mbështetje për 5 ATM, por edhe GNSS për ndjekje më të mirë në aktivitetet tuaja.

Do të keni mundësine të gjeni më shumë se 120 mënyra të ndryshme për t’u stërvitur, të cilat mund të aktivizohen pa pasur nevojë të merrni celularin tuaj. 

Redmi Watch 3  do të ketë GPS dhe Bluetooth, do të mund të bisedoni me të tjerët përmes tij.

Ora inteligjente do të vijë në dy ngjyra të bardhë e të zi. Çmimi i saj parashikohet të jetë 67 euro.

Sa i përket Redmi Band, ai ka një ekran 1.4 inç. Risia në këtë orë do të jetë mundësia për të matur oksigjenin në gjakun tuaj. Permës tij ju mund të gjeni 30 mënyra të ndryshme se si mund të kryeni aktivitet  fizik përgjatë ditës tuaj.

Bateria e tij mund të zgjasë deri në gjashtë ditë  nëse përdoret shumë ose 14 nesë përdorimi do të jetë normal.

Redmi Band 2 kushton rreth 22 euro dhe vjen në ngjyrat jeshile fluoreshente, rozë e artë, e zezë, blu e hapur, jeshile e errët dhe e bardhë./ CNA.al

 





Lajmet e fundit nga