web counter
LEXO PA REKLAMA!

SHKARKO APP

App Store
Google Play

E fundit!

x

U paralajmëruan ndryshime/ Bie sistemi i Twitter-it, përdoruesit hasin probleme

6 Mars 2023, 18:53, Tech CNA

U paralajmëruan ndryshime/ Bie sistemi i Twitter-it, përdoruesit hasin

Platforma Twitter u përball me një problem, që nënkupton se përdoruesit nuk mund të shfletojnë informacione të faqeve të tjera të internetit ose të shohin fotografi.

Përdoruesit që klikonin mbi vegëza (links) iu shfaqej një mesazh, që tregon se Twitter ka probleme me API, apo sistemin që ky rrjet social përdor për të komunikuar me shërbime të tjera. Pra, vegëzat e shpërndara nga përdoruesit nuk mund të shikoheshin.

Ndërkohë mësohet se Twitter është rikthyer sërish në punë pas disa orësh.

Tweetdeck, shërbimi i Twitter-it që përdoret për të postuar në këtë rrjet social, u përball po ashtu me të njëjtin problem.

Twitter ndoshta e ka shkaktuar vetë këtë problem, pasi javëve të fundit ka bërë ndryshime të mëdha në sistemet e tij.

Twitter në javët e fundit ka bërë ndryshime në API, me qëllim që të krijojë më shumë të ardhura. Së fundmi, kompania njoftoi se do të hiqte dorë në masë të madhe nga ofrimi falas i shërbimeve.

Kompania më herët kishte thënë se me “entuziazëm të madh po presim ndryshimet në Twitter API”. Ky njoftim u bë më 13 shkurt, duke thënë se ndryshimet do të bëhen shumë shpejt. Por, më pas Twitter tha se përditësimet në sistem do të shtyhen./REL





Lajmet e fundit nga