web counter
LEXO PA REKLAMA!

SHKARKO APP

App Store
Google Play

Imazhet me përmbajtje abuzive në internet/ BE dhe Britania e Madhe japin 1.8 milionë paund për krijimin e aplikacionit

23 Shkurt 2023, 09:21, Tech CNA
Imazhet me përmbajtje abuzive në internet/ BE dhe Britania e Madhe
Foto ilustruese

Zhvillimi i një aplikacioni të ri të krijuar për të reduktuar shikimin në internet të materialeve të abuzimit seksual të fëmijëve ka marrë 1.8 milionë paund financim nga BE-ja.

Ai do të testohet me vullnetarë që kanë kërkuar ndihmë sepse tërhiqen nga imazhet me përmbajtje abuzive.

I instaluar në pajisje të tilla si telefonat, aplikacioni do të identifikojë dhe bllokojë shfaqjen e imazheve dhe videove të dëmshme.

Gjithashtu mendohet se mund të ndihmojë në luftën e "kërkesës në rritje" për imazhet e abuzimit të fëmijëve.

Projekti Protech është një bashkëpunim që përfshin organizata nga BE dhe Mbretëria e Bashkuar.

Aplikacioni i projektit, i quajtur Salus, synon të funksionojë në kohë reale, duke përdorur inteligjencën artificiale për të identifikuar materialin e mundshëm të abuzimit seksual të fëmijëve dhe për të ndaluar përdoruesit ta shohin atë. Ai gjithashtu do të përdorë teknika të tjera më konvencionale për të bllokuar përmbajtjen.

Fondacioni “Internet Watch”, një organizatë që punon për të gjetur, shënuar dhe hequr materialet e abuzimit me fëmijët, do të ndihmojë në trajnimin e teknologjisë së AI të zhvilluar nga kompania në Mbretërinë e Bashkuar SafeToNet.

Tom Farrell i SafeToNet, i cili punoi për 19 vjet në zbatimin e ligjit, tha për "BBC" se aplikacioni nuk kishte për qëllim të ishte një mjet për të raportuar përdoruesit në polici./ CNA.al





Lajmet e fundit nga