web counter
LEXO PA REKLAMA!

SHKARKO APP

App Store
Google Play

E fundit!

x

Materiali më i fortë në botë mund të përdoret për të prodhuar ujë të pijshëm

29 Nëntor 2023, 12:46, Tech CNA
Materiali më i fortë në botë mund të përdoret
Foto ilustruese

I cilësuar shpesh si një "material mrekulli", grafeni është një milion herë më i hollë se një fije floku njerëzore dhe më i fortë se çeliku.

Materiali dydimensional i karbonit, i bërë nga shtresa të vetme grafiti, një material i nxjerrë nga toka, është jashtëzakonisht i lehtë, përçues dhe fleksibël dhe ka potencialin për të ofruar teknologji transformuese në të gjitha industritë, nga elektronika te transporti.

Tani, studiuesit në Universitetin Khalifa në Emiratet e Bashkuara Arabe (EBA) po eksplorojnë një përdorim tjetër të grafenit: prodhimin e ujit të pijshëm, raporton "CNN".  

Pra materiali mund të ndihmojë gjatë procesit për të shkripëzuar ujin, për ta kthyer ata në të pijshëm. 

Por shkripëzimi është një proces i kushtueshëm dhe me energji intensive dhe këtu hyn grafeni.

Assan Arafat, drejtor i lartë i Qendrës së Kërkimit dhe Inovacionit të universitetit për Grafenin dhe 2D tregon se është duke punuar në një membranë të zgjeruar me grafen që mund ta bëjë procesin më efikas dhe më të lirë.

“Këtu në Emiratet e Bashkuara Arabe, i gjithë uji ynë i pijshëm është në fakt ujë i shkripëzuar, kështu që është një sektor shumë kritik i ekonomisë si dhe i shoqërisë.  Dekripëzimi është procesi i heqjes së kripës nga uji i detit dhe pastrimit të ujit për ta bërë atë të pijshëm. Nuk është jetike vetëm në Emiratet e Bashkuara Arabe: më shumë se 300 milionë njerëz në mbarë botën mbështeten te uji i shkripëzuar. Dhe ndërsa ndryshimet klimatike dhe ndotja kërcënojnë furnizimet tona të kufizuara me ujë të freskët , ky numër do të rritet", shprehet ai./CNA

 





Lajmet e fundit nga