LEXO PA REKLAMA!

SHKARKO APP

E fundit!

x

Elon Musk përballet me sfida/ “Twitter”-i rrezikon gjoba të mëdha nga rregullatorët amerikanë

23 Nëntor 2022, 16:54, Tech CNA
Elon Musk përballet me sfida/ “Twitter”-i rrezikon gjoba
Miliarderi Elon Musk

Hakimi i disa llogarive në “Twitter” me profil të lartë në vitin 2011, ka bërë që kjo kompani të jetë në mbikëqyrje të praktikave të sigurisë nga Komisionit Federal i Tregtisë së SHBA (FTC) për 20 vjet.

Blerja e “Twitter” nga Elon Musk, e bëri atë pronar të një kompanie që do të jetë nën syrin e agjencisë së mbrojtjes së konsumatorit të qeverisë amerikane deri në vitin 2042.

Mosbesueshmërinë e rregullatorëve amerikanë e kanë shtuar ndryshimet e shumta të “Twitter” pas marrjes nga Musk.

FTC tha këtë muaj në një deklaratë se "po ndjek zhvillimet e fundit në Twitter me shqetësim të thellë", ndërsa shtatë anëtarë demokratë të Senatit të SHBA i bënë thirrje agjencisë të hetojë “Twitter” në fund të javës së kaluar.

David Vladeck, një profesor i drejtësisë në Universitetin Georgetown, i cili ka shërbyer si drejtor i Byrosë së Mbrojtjes së Konsumatorit të FTC-së, beson se “Twitter” tashmë mund të mos jetë në përputhje me urdhrin e vitit 2022.

Ky urdhër parashikon që “Twitter” të përgatiste një vlerësim fillestar që do të dorëzohet në janar, duke përshkruar në detaje se si kjo kompani po përmbush kërkesat për të rifituar besimin.

“Nëse FTC zbulon se “Twitter” nuk është në përputhje me kërkesat, kompania mund të përballet me gjoba të mëdha dhe dekrete shtesë pëlqimi”, thotë Vladeck./ B.A. – CNA.al

Lajmet e fundit nga