web counter
LEXO PA REKLAMA!

SHKARKO APP

App Store
Google Play

ZYRTARE/ Sulmuesi firmos me Juventusin

30 Prill 2025, 18:16, Sport CNA

ZYRTARE/ Sulmuesi firmos me Juventusin

Arkadiusz Milik ka zgjatur kontratën e tij me Juventusin deri në vitin 2027. Pas spekulimeve të përhapura gjatë ditës së martë, ka ardhur tashmë edhe konfirmimi zyrtar nga klubi torinez.

Sulmuesi polak, i cili nuk ka zhvilluar asnjë ndeshje gjatë këtij sezoni për shkak të lëndimeve të njëpasnjëshme, do të vijojë të jetë pjesë e Juventusit.

Në njoftimin zyrtar të klubit thuhet: “Juventus njofton se ka arritur një marrëveshje me Arkadiusz Milik për zgjatjen e kontratës së lojtarit deri më 30 qershor 2027. Sulmuesi polak, pjesë e skuadrës që nga gushti i vitit 2022, ka realizuar deri tani 17 gola në 75 ndeshje të zhvilluara me fanellën bardhezi.”

Me zgjatjen e kontratës, Milik ka pranuar një ndryshim të pagës së tij prej 3.5 milionë eurosh në dy sezone, duke ulur në këtë mënyrë ndikimin financiar të kontratës në bilancin e klubit. Megjithatë, kjo marrëveshje nuk përjashton mundësinë e një largimi gjatë afatit kalimtar të verës, ndoshta në formë huazimi.

Kjo alternativë do t’i ofronte mundësinë lojtarit 31-vjeçar të rikthehet në fushën e lojës me më shumë vazhdimësi, pas një periudhe me ndërprerje të shpeshta për shkak të problemeve fizike. Reduktimi i pagës gjithashtu e bën atë më të aksesueshëm për klube të tjera që mund të jenë të interesuara për shërbimet e tij.

Pavarësisht kësaj situate, Milik mbetet për momentin i përqendruar tek angazhimet me Juventusin. Në një postim në rrjetet sociale, ai është shprehur se është i motivuar për t’u rikthyer në fushë.

I lindur në vitin 1994, Milik është pjesë e Juventusit që nga viti 2022. Nën drejtimin e trajnerit Massimiliano Allegri, ai ka fituar një trofe me klubin, konkretisht Kupën e Italisë në sezonin 2023-2024. Në atë finale kundër Interit të zhvilluar në stadiumin Olimpico, Milik mori pjesë për rreth dhjetë minuta lojë.





Lajmet e fundit nga