E fundit!

15:30 Politikë

Reagimet e Ramës për protestat/ Këlliçi: Largohu pa i shtuar më shumë kosto qytetarëve dhe vendit

Deputeti i Partisë Demokratike, Belind Këlliçi ka bërë një...

Reali zgjedh trajnerin e ri, Ancelotti vlerësohet me një post tjetër te madrilenët

29 Prill 2025, 18:51, Sport CNA

Reali zgjedh trajnerin e ri, Ancelotti vlerësohet me një post

Real Madrid është shumë pranë arritjes së një marrëveshjeje me trajnerin Xabi Alonso, i cili pritet të zëvendësojë Carlo Ancelottin. Klubi spanjoll ka marrë tashmë vendimin për t’i dhënë fund bashkëpunimit me trajnerin italian në fund të sezonit, ndërsa përgatitja për këtë tranzicion ka nisur prej kohësh.

Sipas “Relevo”, Real Madrid dhe Xabi Alonso janë shumë afër një marrëveshjeje për të nisur zyrtarisht bashkëpunimin. Trajneri bask, i cili aktualisht drejton Bayer Leverkusenin në Gjermani, pritet të informojë klubin e tij për dëshirën për t’u larguar në mënyrë që të marrë drejtimin e ekipit madrilen. Megjithëse Alonso ka një klauzolë lirimi që arrin deri në 20 milionë euro, ekziston një marrëveshje verbale mes tij dhe drejtuesve të Leverkusenit, e cila pritet të lehtësojë largimin e tij pa pengesa të mëdha financiare.

Për periudhën e përkohshme, dhe veçanërisht për Botërorin e Klubeve që zhvillohet në qershor, Real Madrid do të drejtohet nga Santiago Solari në cilësinë e trajnerit të përkohshëm. Kjo zgjidhje është miratuar edhe nga vetë Alonso, i cili do të ulet në stol pas këtij turneu.

Nga ana tjetër, largimi i Ancelotti nga Real Madrid nuk konsiderohet si një ndarje e papritur apo problematike. Trajneri italian pritet të marrë drejtimin e kombëtares së Brazilit, por marrëdhënia e tij me klubin spanjoll nuk do të ndërpritet plotësisht. Ançeloti ka kontratë të vlefshme deri në vitin 2026 dhe përfiton 11 milionë euro në vit, dhe klubi do të respektojë pjesën e mbetur të kësaj marrëveshjeje.

Presidenti i Real Madridit, Florentino Pérez, ka ndërmarrë hapat për të përfshirë Ancelotti në një rol tjetër brenda klubit pas largimit të tij si trajner. Ai synon që italiani të mbetet pjesë e strukturës së Real Madridit si ambasador i klubit, rol që i është ofruar më parë edhe emrave të tjerë të njohur si Roberto Karlos. Ky pozicion do të lejojë trajnerin italian të vazhdojë të përfaqësojë klubin në ngjarje ndërkombëtare, duke ruajtur lidhjen e tij me institucionin.

Kjo lëvizje nga Real Madrid synon të sigurojë një tranzicion të qetë në pankinë dhe të ruajë vazhdimësinë në imazhin dhe përfaqësimin ndërkombëtar të klubit. Ajo përputhet me politikën e klubit për të përfshirë figura të njohura dhe të respektuara në role institucionale pas përfundimit të periudhës së tyre aktive në fushë apo në stol.