web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen detajet e klauzolës, Erling Haland mund të shkojë te Real Madrid në 2024, përjashtohen klubet angleze

11 Tetor 2022, 13:12, Sport CNA

Zbulohen detajet e klauzolës, Erling Haland mund të shkojë te

Klauzola e famshme e Erling Haland për t’u larguar nga Mançester Siti në vitin 2024 ka një kusht absolutisht kyç: është i zbatueshëm vetëm për ekipet e huaja. Pep Guardiola deklaroi pak ditë më parë se nuk kishte klauzolë, por zbulohen detaje shumë të rëndësishme.

Sipas “The Athletic”, skuadrat angleze janë të përjashtuara në “ankandin” për norvegjezin. Klauzola për klubet jashtë Anglisë është 200 milionë euro. Me pak fjalë, kushdo që ofrohet për Halandin, përmes klauzolës së përmendur, duhet të luajë në një ligë të ndryshme nga ajo angleze.

Ekipet e Premier League nuk do të mund ta përdorin atë klauzolë. E vetmja mënyrë për ta marrë norvegjezin do të jetë përmes negociatave me Sitin. Në këtë mënyrë mbyllet pothuajse përfundimisht dera për skuadrat e fuqishme ekonomikisht në Angli, si Liverpul, Arsenal, Totenhem, Mançester Junajtid apo Çelsi.

Fakti që largimi i Haland nga Siti është i mundur vetëm për klubet e huaja, hap gjerësisht opsionin për Real Madridin, Barcelonën apo PSG-në, ndër të tjera. Në Madrid janë optimistë, në të ardhmen mund të përballen me një operacion, me të cilin mund të luftojnë për sulmuesin referencë botërore që tani.

Informacionet e “The Athletic” zbulojnë gjithashtu se, përveç 200 milionëve, klauzola parashikon një shumë të madhe komisionesh për babain dhe agjentët e lojtarit.





Lajmet e fundit nga