web counter
LEXO PA REKLAMA!

SHKARKO APP

App Store
Google Play

Shans i artë për të rinjtë, në Arabi udhëton “Shqipëria B”. Lojtarët që pritet të grumbullohen

11 Tetor 2022, 10:19, Sport CNA

Shans i artë për të rinjtë, në Arabi udhëton

Në 26 tetor Shqipëria do të luajë një ndeshje miqësore me Arabinë Saudite në Lindjen e Mesme. Kuqezinjtë do të fillojnë përgatitjet për kualifikueset e "Euro 2024" pasi mësuan edhe emrat e kundërshtarëve. Data 26 tetor nuk është datë zyrtare nga UEFA për kombëtaret kështu që Shqipërisë do t’i mungojë një pjesë e madhe e lojtarëve kryesorë.

Kjo nuk është një problem pasi plani primar për këtë miqësore ka qenë provimi i lojtarëve të rinj. "Newsport" bëri me dije ditën e djeshme se Jasir Asani është emri i parë i ftuar që do të bëjë debutimin dhe të tjerë pritet ta pasojnë. Edhe Ardit Toli ka marrë ftesën nga ekipi A dhe do të udhëtojë në Arabi.

Nga kampionati shqiptar, Redon Xhixha pret me ngulm thirrjen pas fillimit fantastik të sezonit, por burime pranë klubit bardheblu bëjnë me dije për "Newsport" se ftesa nuk ka ardhur për autorin e 10 golave, të paktën deri tani. Eneo Bitri mund të ketë shanset e tij për t'u thirrur.

Armando Sadiku dhe Ernest Muçi priten të rikthehen me fanellën kuqezi, ndërsa të tjerë si Eljon Toçi, Eduart Rroca, Regi Lushkja, Anis Mehmet apo Medon Berisha pritet të bëjnë debutimin.





Lajmet e fundit nga