web counter
LEXO PA REKLAMA!

SHKARKO APP

App Store
Google Play

"Messi ishte provokator i pakëndshëm, Ronaldo egocentrik", ja zbulimet e pabesueshme të ish-portierit të Real Madrid

10 Tetor 2022, 18:22, Sport CNA

“Messi një provokator dhe Ronaldo një egocentrik”. Këto janë zbulimet e ashpra të Jerzy Dudek, ish-portieri polak me një të shkuar në Spanjë me Real Madrid. Portieri, i cili ka luajtur edhe për Liverpool, në autobiografinë e tij të re ka shpalosur zbulime të shumta për lojtarët që ka takuar në karrierën e tij.

Të pranishëm në libër janë edhe sulmet ndaj kampionit argjentinas dhe CR7.
Për Messin dhe në përgjithësi për Barcelonën e Pep Guardiolës, Dudek thotë: "Ai ishte shumë provokues, si ekipi dhe trajneri i tij. Ata ishin gjithmonë të gatshëm t'ju shqetësonin dhe t'ju bënin nervoz në fushë. Shumë shpesh ata e bënin në mënyrë perfekte. E kam dëgjuar Messin duke i thënë fjalë të pista Pepes dhe Ramosit, saqë as nuk mund ta imagjinoni se mund të dalin nga goja e një personi që duket kaq i qetë dhe i këndshëm."

Pastaj për Raulin, Cristiano Ronaldon dhe Real Madrid:" Raul ishte një personazh vërtet arrogant, por në përgjithësi kishte sjellje normale. Nga ana tjetër, Cristiano Ronaldo është shumë egoist dhe ka një dëshirë të madhe për të fituar: Jam i sigurt se do të preferonte 1-0 me gol të tij, sesa 5-0 pa shënuar. Por ai është një djalë absolutisht normal, por e kuptoj që mund të perceptohet ndryshe nga jashtë”.

 





Lajmet e fundit nga