web counter
LEXO PA REKLAMA!

SHKARKO APP

App Store
Google Play

Rraklli: Reja të largohet! Kombëtarja ka nevojë për një trajner shqiptar që jeton në Shqipëri

10 Tetor 2022, 13:35, Sport CNA

Rraklli: Reja të largohet! Kombëtarja ka nevojë për një

Ish-futbollisti i Kombëtares, Altin Rraklli, thotë se kemi shanse reale për t’u kualifikuar në Kampionatin Europian “EURO 2024”, duke nënvizuar Poloninë dhe Çekinë si më të fortat e Grupit E, ku bën pjesë edhe Shqipëria.

Në një intervistë për "Euronews", Rraklli u shpreh se trajneri Edi Reja duhet të largohet, pasi sipas tij skuadra ka nevojë për ide dhe energji të reja.

“Sipas mendimit tim, janë kundërshtarë që na përshtaten, duke pasur parasysh nivelin e futbollit tonë dhe rritjen e lojtarëve. Kam përshtypjen se na përshtaten. Kemi një shans real duke pasur parasysh dy rivalet, Poloninë dhe Çekinë; duhet t’i sulmojmë. Duhet të kapim një nga dy vendet e këtyre skuadrave për t’u kualifikuar.

Moldavinë dhe Ishujt Faroe nuk duhet t’i diskutojmë. Unë po të isha në vendin e Rejës do largohesha, sepse shoh që skuadra nuk po i përgjigjet më ideve të tij. Ka bërë punë të mirë, jo të keqe, por për momentin nuk i përgjigjet skuadra; ka nevojë për ide dhe energji të reja. Ne kemi trajnerë shumë të mirë, trajnerë të cilët kanë arritur shumë gjëra, si në kampionatin shqiptar, por edhe në arenën ndërkombëtare. Unë nuk do të zgjidhja asnjë shqiptar që jeton jashtë Shqipërisë, që është rritur jashtë Shqipërisë. Ilir Daja ka treguar deri më tano klas.”, theksoi ai.

Kombëtarja shqiptare e futbollit ka njohur kundërshtarët e saj për kualifikueset e Kampionatit Europian “EURO 2024”, në shortin e mbajtur të dielën në Frankurt të Gjermanisë.

Shqipëria do të jetë në Grupin E, ku në vazon e parë kuqezinjtë kanë gjetur sërish Poloninë, përfaqësuese të cilën e patëm edhe në kualifikueset e Botërorit të Katarit.

Në vazon e dytë u përzgjodh skuadra e Republikës Çeke. Nga vazo e katërt, nga goglat e hedhura, janë Ishujt Faroe, ndërsa në vazon e pestë është Moldavia.





Lajmet e fundit nga