web counter
LEXO PA REKLAMA!

SHKARKO APP

App Store
Google Play

E fundit!

x

Vuan nga sëmundja e “puthjes”, mesfushori i Seviljës humb 4 javë

11 Tetor 2022, 11:11, Sport CNA

Vuan nga sëmundja e “puthjes”, mesfushori i Seviljës humb

Mesfushori i Seviljës, Fernando Reges, nuk ka udhëtuar në Gjermani me skuadrën për ndeshjen kundër Borussia Dortmundit që korrespondon me fazën e grupeve të Champions League.

Reges është zbuluar se vuan nga mononukleoza, e quajtur edhe sëmundja e puthjes. Kjo është arsyeja pse braziliani ka qenë shumë i dobët muajin e fundit dhe nuk ka qenë në dispozicion të Julen Lopeteguin para shkarkimit dhe tani nuk është as në dispozicion të Sampaolit.

Ish-lojtari i Portos dhe Manchester City tha në një intervistë se kishte një “sëmundje shumë të madhe” që e kishte penguar të performonte normalisht dhe Lopetegui tregoi se lojtari kishte pasur një sëmundje nga e cila ai ishte rikuperuar tashmë. Mirëpo, më vonë lojtari u nda sërish nga grupi kur pati sërish temperaturë.

Mononukleoza është një sëmundje që dobëson organizmin në përgjithësi me temperaturë, gastroenterit dhe mungesë force, si dhe dhimbje fyti që pengon të ushqyerit normal, me pasojë humbjen e peshës dhe forcës.

Lojtari ishte parë tashmë në ndeshjen kundër Espanjolit i rraskapitur në një sfidë në të cilën ai u rrëzua në tokë dhe arbitri i dha një karton të verdhë për vonesë loje, një paralajmërim që më vonë e anuloi.

Kohëzgjatja e kësaj sëmundjeje është zakonisht nga tri javë ose tri javë e gjysmë, por duhet theksuar se është sëmundje kronike.





Lajmet e fundit nga