web counter
LEXO PA REKLAMA!

SHKARKO APP

App Store
Google Play

Vrasja e liderit të ultrasve interistë, veprimet e turpshme të tifozëve zikaltër: Kërcënime e shtyrje, pashë fëmijë që qanin

30 Tetor 2022, 19:49, Sport CNA

Vrasja e liderit të ultrasve interistë, veprimet e turpshme të

Vrasja e liderit historik të ultrasve të Interit, Vitorio Boioki, solli një vendim të pazakontë të mbështetësve të zjarrtë zikaltër. Ata boshatisën tribunën pas porte gjatë ndeshjes me Sampdorian në shenjë nderimi për 69-vjeçarin, i cili ishte në fakt një person i njohur për botën e krimit pasi kishte kaluar rreth 26 vite në burg.

Por me sa duket, vendimi nuk ka qenë i mirëpritur nga tifozët e thjeshtë të cilët ishin ulur në atë pjesë të tribunës që u boshatis në pjesën e dytë të ndeshjes me urdhër të liderëve të grupimeve të ultrasve që ishin të pranishëm në “Curva Nord”.

Pas ndeshjes, në rrjetet sociale janë shfaqur dëshmi të njëpasnjëshme të tifozëve të cilët kanë treguar se mbështetësit e thjeshtë të pranishëm, nuk kishin dashur të largoheshin por ishin detyruar me zor ta bënin një gjë të tillë. “Nuk e kuptoj se si 8/10 persona kanë boshatisur një sektor të tërë me ulërima, kërcënime dhe shtyrje”, shkruante një tifoz në Twitter. “Kam parë fëmijë që qanin dhe njerëz që merrnin të shtyra pasi nuk dëshironin të largoheshin. Unë isha me një shoqe dhe kisha një atak paniku. Mendoja se do më qëllonin”, shtoi ai.

Shumë tifozë u ankuan për faktin se nuk ishin lejuar që të ndiqnin ndeshjen në sektorë të tjerë të stadiumit, të detyruar nga ultrasit që të largoheshin pas vetëm 45 minutash. Një tifoz i kishte shkruar edhe Ministrit të Sportit, Andrea Abodi, i cili po nëpërmjet Twitter premtoi se do të hetonte këtë ngjarje.





Lajmet e fundit nga