web counter
LEXO PA REKLAMA!

SHKARKO APP

App Store
Google Play

E fundit!

x

Humbja me Egnatian, Kolela: Të mbyllim gojën dhe të ikim në shtëpi

30 Tetor 2022, 16:46, Sport CNA

Humbja me Egnatian, Kolela: Të mbyllim gojën dhe të ikim në

Partizani u mposht 3-0 në transfertë nga Egnatia, ndeshje e vlefshme për javën e dhjetë të Superiores. Trajneri Xhovani Kolela foli pas takimit duke treguar atë që nuk shkoi. Edhe pse të kuqtë ende janë në vend të parë, tashmë Tirana është vetëm 1 pikë larg. Për mikrofonin e "Oversport", trajneri italian i të kuqve deklaroi:

“Mendoj që kjo humbje do të na shërbejë shumë. Kemi marrë shumë komplimente gjatë ditëve të fundit, që po udhëheqim, jemi të sigurtë. Ndaj mendoj se do të na bëjë shumë mirë. Edhe për mua, edhe unë kam pasur shumë komplimente. Edhe për mua kjo humbje do të na shërbejë.

Oshilacionet? Sigurisht që sot ka qenë një humbje shumë e shëmtuar. Përgjegjësia është e gjitha imja.

Shthurja totale? Jam dakord me faktin që Egnatia është një skuadër mjaft e mirë. E kam thënë edhe në përfundim të fazës së parë. Ashtu si e kemi interpretuar ndeshjen ne sot. Nuk ka asgjë për të komentuar. Nuk ka të bëjë fare me dëmtimet si Massanga dhe Da Silva. Ne duhet të bënim lojën tonë, të ishim një skuadër. Duhet t’i lëmë mënjanë të gjitha, kur zhvillon ndeshje të tilla, duhet të mbyllesh gojën dhe të ikësh në shtëpi, pavarësisht se unë jam këtu. Kjo ndeshje ishte meritë e Egnatias që zhvilloi një 90-minutësh mjaft të mirë.

Përgatitjet? Sa i përket aspektit fizik nuk mund të punosh shumë sepse kemi pak kohë në dispozicion. Kush ka luajtur futboll, e di mirë. Problemi më i madh është përqëndrimi në fushë. Ky mendoj se është problemi kryesor”, tha ai.





Lajmet e fundit nga