Triumf me "poker" ndaj Kukësit, Tirana afrohet me kreun

30 Tetor 2022, 15:58, Sport CNA

Tirana rikthehet te fitorja, pasi ka mposhtur me poker Kukësin në “Selman Stërmasi”.

Bardheblutë shfrytëzojnë superioritetin numerik pas daljes me karton të kuq të Ndrecës dhe shënojnë 3 gola në pjesën e dytë në portën e Kukësit.

Bardheblutë fitojnë 4-1, I pafat Xhixha, të cilit i janë anuluar 2 gola në këtë takim. Tirana ngjitet në vendin e dytë në renditje dhe qëndron vetëm një pikë larg Partizanit.

FT: Tirana-Kukësi 4-1

(Hasani 43’, Behiratche 72’, Patrick 81’, Limaj 86’/ Basa 47)

KOMENTI LIVE:

93’ Bekaj i mohon golit Kotes, duke grushtuar në këndore topin që po shkonte drejt rrjetës

93’ Rasti shikohet në VAR dhe goli anulohet

92’ GOOOOOL Shënon Xhixha, por sërish goli anulohet për pozicion jashtë loje

90’ Akordohen 5 minuta shtesë

86’ Limaj godet nga pika e bardhë e penalltisë dhe shënon golin e katërt për bardheblutë

85’ Penallti për Tiranën. Gjqytari Koçi tregon pikën e bardhë pas një ndërhyrjeje të gabuar ndaj Patrick

81’ GOOOOOOOOL Trefishon Tirana në Selman Stërmasi. Patrick vulos fitoren me një gol të bukur. Goditja e tij fluturimshi shkon në trekëndësish e portës së mbrojtur nga Tafas.

72’ GOOOOOOOOOL Behiratche dërgon topin në rrjetë, duke finalizuar një skemë të bardhebluve. Tirana rikthehet në avantazh

65’ GOOOOOOL Xhixha shënon një gol shumë të bukur, por nuk vlen, pasi goli anulohet për pozcizion jashtë loje

64’ Kukësi fiton një goditje dënimi në kufijtë e zonës së Tiranës. Shqiprim Taipi tenton direkt portën, por gjuajtja e tij është e pasaktë

57′ Një ndërhyrje e gabuar e Ndrecës ndaj Toshevskit ndëshkohet me të verdhë nga Koçi, por pas ndërhyrjes së VAR-it kartoni bëhet i kuq. Kukësi në inferioritet numerik në këto minuta të mbetura

55’ Tirana ka mbyllur në gjysmëfushën e vet Kukësin, por nuk po arrin që të rrezikojë seriozisht portën e Tafas

50’ Tirana jep shkëndijën e parë në këtë pjesë të dytë, Ismajlgeci godet portën, por gjuajtja e tij largohet nga mbrojtja e Kukësit

46’ Nis pjesa e dytë në “Selman Stërmasi”

Mbyllet në barazim pjesa e parë e sfidës Tirana-Kukësi. Bardheblutë zhbllokojnë sfidën në minutat e fundit të pjesës së parë, por Kukësi barazon gjithçka atëherë kur dukej sikur gjyqtari do të çonte skuadrat në dhomat e zhveshjes

47’ GOOOOOOOL Barazon Kukësi. Basa përfiton nga një përgjumje e mbrojtjes bardheblu dhe barazon shifrat 1-1

43’ GOOOOOOOL Tirana. Hasani merr krahun e djathtë, godet dhe dërgon topin në rrjetë. Bardheblutë në avantazh

41’ Godet Patrick, por gjuajtja e tij ndalet nga Tafas

38’ Ka rënë disi ritmi i lojës, që është ndalur disa herë për shkak të dëmtimeve të lojtarëve

32’ Kallaku provon nga distanca, por gjuajtja e tij ndalet nga Tafas

31’ Behiratche i afrohet golit për bardheblutë, por goditja e tij me kokë devijohet në këndore

29’ Rrezikon edhe Kukësi me Barbosën, por gjuajtja e tij pritet pa vështirësi nga Bekaj

20’ Tirana zotëron topin dhe mundohet që të zbresë me shumë forca në sulm. Por pavarësisht dominimit në fushë mungojnë rastet për shënim, pasi Kukësi mbrohet shumë mirë

17’ Tirana dominon në fushë dhe sulmon me forca të shumta në kërkim të golit të avantazhit

12’ Mundësi e artë për Tiranën, që i afrohet golit me Patrick, por gjuajtja e tij devijohet në këndore nga Tafas

8’ Lojë e bukur dhe me ritëm në “Selman Stërmasi”, Tirana është më kërkuese, ndërsa Kukësi zbret rrezikshëm në kundërsulm

5’ Tirana fiton një goditje dënimi pranë zonës së Kukësit. Kallaku godet direkt në portë, por Tafas është i vëmendshëm dhe grushton topin që po shkonte drejt rrjetës

1’ Nis sfida në “Selman Stërmasi”