E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

VIDEO/ Vendos goli i Skukës në pjesën e parë, Shqipëria në avantazh ndaj Armenisë

19 Nëntor 2022, 18:20, Sport CNA

Është mbyllur pjesa e parë në sfidën miqësore mes Shqipërisë dhe Armenisë, në stadiumin "Air Albania".

Pas 45 minutave të para, kuqezinjtë kryesojnë 1-0. Sfida u zhbllokua në minutën e 28-të, ku ishte Xhuljano Skuka, që pas një aksioni model mes Asllanit dhe Çokajt, pas topit të marrë, e ndal në fundin e rrjetës.

Përveç golit, Shqipëria kishte edhe raste të tjera, por nuk ia doli dot të shënojë edhe një gol tjetër.

LIVE SHQIPËRI-ARMENI 1-0
28′ Skuka

KOMENTI LIVE:

44’ Aksion i shpejtë i përfaqësueses shqiptare në krahun e djathtë me Laçin, harkimi i tij për Muçin është perfekt, por gjuajtja e këtij të fundit nuk është me forcën e duhur.

40’ Armenët rrezikojnë me anë të Shagojan nga e majta, mbyllja e A. Bajramit shmang rrezikun para portës së kuqezinjve.

38’ Kundërsulm i shpejtë i kuqezinjve me Muçin dhe Asllanin i cili gjuan nga e majta por gjen përgjigjen e portierit armen në pozicion.

37’ Përsëri është i njëjti, Biçakçian, ai i cili tenton me një gjuajtje të fortë nga jashtë zonës të shënojë por sfera devijohet jashtë nga Kumbulla.

31’ BIçakçian provon nga e djathta me një gjuajtje të fortë nga jashtë zonës, Berisha është i vëmendshëm dhe kontrollon.

28’ GOOOL SHQIPËRIA! Asllani jep një pasim perfekt për Çokajn i cili ul topin për Skukën. Ky i fundit nuk gabon me gjuajtjen e tij dhe kalon në avantazh kuqezinjtë.

24’ Harutjunjan provon të gjejë në befasi Berishën me një gjuajtje nga mesfusha, për fat topi përfundon jashtë katërkëndorit të portierit i cili kishte dalë nga zona.

19’ Aksion i shpejtë i kuqezinjve në krahun e djathtë. Asllani pason për Laçin i cili gjuan por sheh mbrojtjen armene që ndalon topin. Më pas është Skuka i cili tenton menjëherë portën por nuk gjen katërkëndorin.

17’ Biçakçian merr topin në hyrje të zonës dhe lëshon një gjuajtje të fortë, e cila për fat përfundon jashtë katërkëndorit të Berishës, jo larg shtyllës në të djathtë të Berishës.

13’ Miqtë marrin iniciativën në këto minuta me aksione nga krahët duke kërkuar të gjejnë të çara në mbrojtje.

9’ Pas një harkimi nga e djathta, Laçi gjuan me kokë por portieri i armenëve devijon topin i cili më pas ndalet nga shtylla.

4’-7’ Skuka shpërthen në zonë pas një asisti perfekt të Asllanit, ndërhyrja e një prej mbroktësve bën që ai të rrëzohet në tokë. Gjyqtari bën shenjë që ndeshja të vazhdojë rregullisht. Por pastaj sinjalizohet në mënyrë të papritur se mund të shohë pamjet me VAR dhe pas vëzhgimit në fund bën të qartë se i qëndron vendimit të parë dhe nuk ka penallti.

1’ Fillon dueli në “Air Albania”.