Pankina e Skënderbeut/ Ish-mbrojtësi i korçarëve takon presidentin Takaj, por e do edhe skuadra tjetër shqiptare

19 Nëntor 2022, 15:59, Sport CNA

Pankina e Skënderbeut/ Ish-mbrojtësi i korçarëve takon

Ivan Gvozdenoviç zbarkon në Korçë. Ish-mbrojtësi është pranë stolit të Skënderbeut për pjesën e mbetur të sezonit, pavarësisht se asgjë nuk është bërë zyrtare dhe as akordi nuk është arritur.

Panorama Sport mëson nga burime të sigurta, se serbi ka udhëtuar mbrëmjen e së enjtes drejt Shqipërisë dhe të premten ka zhvilluar një takim me presidentin Ardjan Takaj në “Tropikal”.

Palët kanë folur rreth kushteve të bashkëpunimit për të arritur një marrëveshje dhe 44-vjreçari është shprehur i gatshëm për të marrë drejtimin e Skënderbeut për pjesën e mbetur të këtij sezon.

Normalisht që Takaj ka njohur trajnerin me objektivat, që ësshtë ngjitja e padiskutueshme në Superiore.

Kushti që ish-lojtari e ka të qartë dhe e ka pranuar.

Çështja ka “ngecur” vetëm te financat. Të njëjtat burime tregojnë se ende nuk ka një akord përfundimtar, pasi mbetet që të diskutohen edhe detaje të tjera për sa i përket kontratës së serbit.

Gjasat janë që të kryhet një tjetër takim sot, për të folur më konkiretisht për termat ekonomikë dhe jo vetëm. APOLONIA – E megjithatë, Ivan Gvozdenoviç nuk ka ardhur në Shqipëir vetëm për Skënderbeun.

Gazeta mëson në lojë për të është edhe Apolonia, që ka dy muaj pa një trajner.

Fierakët kanë kontaktuar me të dhe pikërisht sot pritet do kenë një takim. Vetëm pasi të njihet edhe me kërkesat e fierakëve, 44-vjeçari do të vendosë se me kë nga dy klubet e Kategorisë së Parë do të vijojë takimet për mbylljen e marrëveshjes.

ARAPI – Në kërkim të trajnerit, korçarët kanë diskutuar një mundësi edhe me Renato Arapin. Deri të enjten, ai ishte alternativa më e mundshme për të marrë drejtimin e Skënderbeut.

Presidenti e ka takuar dhe kanë diskutuar rreth një mundësie të tillë, por që durrsaku e ka refuzuar.

Dhe shkaku është angazhimi si zëvendëstrajner në Arabinë Saudite, bashkë me Ernest Gjokën.

Gjithsesi, është lënë e hapur edhe një mundësi në të ardhmen, duke parë marrëdhëniet e mira mes palëve.

Alternativë tjetër për Skënderbeun në rast se Gvozdenoviç nuk do të pranoj ofertën e Takajt është edhe Ardian Mema, me të cilin pritet që Takaj të ketë një bisedë gjatë këtyre ditëve.