web counter
LEXO PA REKLAMA!

SHKARKO APP

App Store
Google Play

Vetëm një ndryshim, Silvinjo zgjedh titullarët ndaj Çekisë

12 Tetor 2023, 09:03, Sport CNA

Armando Broja dhe Ardian Ismajli do të jenë dy mungesat për Silvinjon në ndeshjen e sotme ndaj Çekisë.

Sulmuesi nuk ia ka dalë dot, pasi ende ndien shqetësime në gju dhe për këtë, siç u konfirmua nga trajneri në konferencën për shtyp, nuk do të rrezikohet. Ndërkohë vendin e Ismajlit, i cili ishte titullar në dy ndeshjet e fundit të ekipit përfaqësues, do ta marrë Arlind Ajeti. Mbrojtësi 30-vjeçar që luan me Klyzhin do të luajë nga minuta e parë pas një viti, ku takimi i fundit ishte me Izraelin në Ligën e Kombeve.

Sa u përket titullarëve që do të zbresin në fushë, Silvinjo do t’i besojë formacionit që mori një pikë në Pragë, me vetëm një ndryshim për shkak dëmtimi. Duke u përshtatur edhe me karakteristikat e kundërshtarit, mësohet se trajneri ka projektuar Etrit Berishën që nga minuta e parë, edhe pse me Poloninë e nisi Strakosha. Krahas Gjimshitit në mbrojtje do të vendoset Ajeti, ndërsa nga krahët Hysaj dhe Mitaj. Në mesfushë nuk do të ketë ndryshime, teksa do të jenë treshja: Asllani e Ramadani dhe Bajrami para tyre, ndërkaq përpara do ta nisin nga minuta e parë: Asani nga e krahu i djathtë, Seferi në krahun e majtë dhe Cikalleshi në majën e sulmit.





Lajmet e fundit nga