web counter
LEXO PA REKLAMA!

SHKARKO APP

App Store
Google Play

Uzuni ul në stol Cikalleshin, Muçi dhe Asani titullarë. Ja formacioni i mundshëm i Shqipërisë

16 Tetor 2023, 09:15, Sport CNA

Myrto Uzuni, Ivan Balliu dhe Qazim Laçi nuk u aktivizuan në fitoren me Çekinë disa ditë më parë, por për të tre lojtarët do të ketë hapësirë në miqësoren ndaj Bullgarisë.

Titullar pritet ta nisë edhe Enea Mihaj, i cili kthehet të luajë për ekipin kombëtar pas ndeshjes me Poloninë në Varshavë, ku me Kumbullën formuan dyshen e mbrojtjes. Këtë herë Mihaj do të luajë me Ajetin në mbrojtje, ndërsa nga e majta Silvinjo do të vendosë sërish Mario Mitajn. Mesfusha do të formohet me Qazim Laçin dhe Kristjan Asllanin, ndërkohë para tyre do ta nisë Nedim Bajrami.

Krahu i majtë do t’i besohet Ernest Muçit, i cili do të luajë ndeshjen e gjashtë me Kombëtaren. Nga krahu tjetër, trajneri do ta nisë me Jasir Asanin, ndërkaq në majën e sulmit pritet të luajë Myrto Uzuni.

Sa i përket portës, titullar shihet Tomas Strakosha, por nuk përjashtohet mundësia që të fillojë edhe me Elhan Kastratin. Në dispozicion për Silvinjon do të jenë edhe: Berisha, Veseli, Hysaj, Gjimshiti, Ramadani, Gjasula, Muja, Seferi, Çuni, Cikalleshi.

FORMACIONI I MUNDSHËM: 

Shqipëria (4-2-3-1): Strakosha, Balliu, Ajeti, Mihaj, Mitaj, Asllani, Laçi, Bajrami, Muçi, Asani, Uzuni. 





Lajmet e fundit nga