web counter
LEXO PA REKLAMA!

SHKARKO APP

App Store
Google Play

E fundit!

x

Armand Duka: Kemi bërë rezervimet në Gjermani. Ja përse u largua Broja

15 Tetor 2023, 22:40, Sport CNA

Armand Duka: Kemi bërë rezervimet në Gjermani. Ja përse u

Presidenti i Federatës Shqiptare të Futbollit, Armand Duka, është i bindur se Kombëtarja shqiptare do të shkojë në Europian dhe thotë se janë bërë rezervimet në Gjermani, aty ku do të zhvillohet “Euro 2024”.

Duka pranon se ka një ekip i cili mbart shumë vlera, ndaj dhe ka vendosur objektiva konkrete për Europianin 2024. Në Klan News, ai hodhi dritë edhe për aludimet për një krisje të marrëdhënies së trajnerit Silvinjo me Armando Brojën.

“Kemi pararezervuar në Gjermani dhe pasi të shohim shortin më 2 Dhjetor, do të rezervojmë një nga stadiumet. Parashikimi i kualifikimit për Shqipërinë është 99.8%. Asani ka bërë gola të bukur, por goli është gol, duhet mobilizim për të dyja ndeshjet, për të pasur rezultat historik, për të qenë të paret e grupit. S’duhet të cenojmë këtë histori, vetëbesim skuadrës për rrugën e nisur. Kemi një eksperiencë me Euro 2016 dhe kemi ekip të mirë do shkojmë në Gjermani me synime konkrete, për të kaluar grupin dhe sa më larg. Broja ka pasur dhimbje në gju dhe kërkoi të pushojë për shkak të dhimbjes dhe nuk u përfshi në ekip”.

Trajneri për Dukën ka një tjetër përkushtim për të arritur objektivat ndaj dhe është bërë shumë i dashur për shqiptarët.

“Silvinjo ka përkushtim maksimal dhe ka krijuar një atmosferë pozitive në skuadër dhe është personazh i dashur. Botërori është objektiv i vështirë, por jo i paarritshëm. Ekipi ka mentalitet fitues. Duhet të presim edhe shortin dhe kundërshtarët për të vendosur objektivat”.





Lajmet e fundit nga