web counter
LEXO PA REKLAMA!

SHKARKO APP

App Store
Google Play

Renditja e klubeve/ Ballkani krenaria mbarëshqiptare, Partizani më i miri në Superiore

14 Tetor 2023, 12:10, Sport CNA

Federata Ndërkombëtare e Historisë dhe Statistikave të Futbollit, IFFHS  (International Federation of Football History and Statistics), ka publikuar së fundmi listën e klubeve më të mira në botë nisur nga arritjet që ata kanë në arenën kombëtare dhe ndërkombëtare  për periudhën kohore , 1 tetor 2022-30 shtator 2023.

Në këtë rang-listë janë publikuar vetëm 414 klubet e para, ku padyshim kryesimi i takon fituesit të Championsit dhe Premier Ligës angleze, Mançester Siti. 

Në listën prej 414 klube ndodhen edhe shtatë skuadra shqiptare që aktivitetin e tyre e ushtrojnë në Shqipëri, Kosovë dhe Maqedonia e Veriut.

Krenaria mbarëshqiptare sipas IFFHS-së mbetet Ballkani, klubi kampion në Kosovë, që renditet në vendin e 159-të me 92.5 pikë.

Sa i përket Kategorisë Superiore, Partizani është klubi me arritjet më të mira, që mban vendin e 202-të me 81.75 pikë. Kampionët e Maqedonisë së Veriut janë të tretë sa i përket klubeve mbarëshqiptare, pasi mban vendin 251 në renditje me 71.5 pikë. Tirana mban vendin e 289-të me 64.75 pikë, e pasur nga Egnatia me 56.5 pikë dhe që mban vendin e 377-të.  Prishtina dhe Shkëndija e Tetovës ndajnë vendin e 396-të me 55 pikë.

Renditja e klubeve mbarëshqiptare  në renditjen vjetore të IFFHS-së

Vendi    Klubi      Pikët

159         BALLKANI            92.5

202         PARTIZANI           81.75

251         STRUGA                71.5

289         TIRANA                 64.75

377         EGNATIA              56.5

396         PRISHTINA          55

396         SHKËNDIJA         55





Lajmet e fundit nga