web counter
LEXO PA REKLAMA!

SHKARKO APP

App Store
Google Play

Sugjerim nga Zekiç? Përveç Shehit, Partizani “piketon” një kroat për stolin

13 Tetor 2023, 13:56, Sport CNA

Në kushtet kur Partizani dhe Shehi kanë një akord paraprak, por jo gjithçka është e sigurt, drejtuesit nuk dëshirojnë të kapen në befasi dhe përveç Shehit, po shqyrtojnë edhe alternativa të tjera. Tregu shqiptar ka disa trajnerë të lirë, por aktualisht Partizani nuk po konsideron asnjërin prej tyre. “Panorama Sport” raporton se plani B i Partizanit është sërish një kroat dhe quhet Miroslav Bojko.

Ky i fundit aktualisht është trajner i Vukovarit në ligën e dytë për nga rëndësia në Kroaci, ku ndodhet në vendin e parë me 20 pikë pas 10 ndeshjesh. Nëse nuk e lidhni dot figurën e Bojkos me Partizanin, mjafton të përmendim faktin se ai ka qenë dy herë ndihmës i Zoran Zekiçit te Sherif Tiraspoli në Moldavi dhe më shumë mundësi ish-trajneri i kuq mund ta ketë sugjeruar si alternativë.

Aventurën më të gjatë si trajner Bojko e ka te skuadra e Dugopolje, ku ka drejtuar plot 81 ndeshje. Te Vukovari ai ndodhet prej nëntorit të vitit 2020. Qëndrimi i ndihmësve, Mario Kuic dhe Marko Matijeviç, mund të jetë një sinjal konkret se Bojko është një mundësi potenciale për stolin e kuq. Nëse do të ketë akord mes palëve, do të duhet zgjidhur edhe kontrata me Vukovarin.





Lajmet e fundit nga