web counter
LEXO PA REKLAMA!

SHKARKO APP

App Store
Google Play

E fundit!

x

Nevil Dede: Trajneri Reja ka vënë një tullë në themelet e forta të Kombëtares

16 Tetor 2023, 00:02, Sport CNA

Trajneri Nevil Dede, analizoi ecurinë e shkëlqyer të Kombëtares shqiptare. Në MCN, Dede deklaroi se në themelet e kësaj skuadre, ka vendosur një tullë edhe ish-trajneri Edi Reja.

Sipas tij, trajneri Silvinjo i ka vendosur lojtarët në pozicionet e tyre, ndërsa shtoi se suksesi ishte i parashikuar që më përpara.

"Reja ka vënë një tullë në themelet e forta të kësaj Kombëtare. Forma e lojtarëve tanë, tregohet në interpretimin e ndeshjeve me Silvinjon, sepse janë titullarë në ekipet e tyre. Emrat aty kanë qenë, ky trajner ka krijuar grupin. Lojtarët gabojnë pak ose aspak, kemi shënuar shumë gola nga larg. Janë pozicionuar lojtarët tanë mirë, falë trajnerit. Çdo lider i kësaj skuadre, është pozicionuar në vendin e duhur. Të gjitha janë suksese të kësaj kombëtareje, të parashikuara më para. Ka shumë njerëz që punojnë për këtë ditë.

Kur u hodh shorti, të gjithë ishim të bindur se me Çekinë dhe Poloninë, do bëjmë ndeshje të barabarta. Me gabimet e pakta dhe me golat nga jashtë, një përqindje e fatit ka qenë në krahun tonë. Ne kemi humbur vetëm ndeshjen e parë me Poloninë, aty për shkak të një gabimi. Kemi gabuar edhe në ndeshje të tjera, por nuk jemi ndëshkuar. Pas humbjes, Duka e tha se s’ka më humbje dinjitoze. E parashikoi që atëherë dhe tha se nuk do më humbje.", deklaroi Dede. 





Lajmet e fundit nga