web counter
LEXO PA REKLAMA!

SHKARKO APP

App Store
Google Play

E fundit!

x

Ultimatumi i trajnerit Nica, Kukësi merr vendimin për sulmuesin Rashiti

30 Nëntor 2023, 16:34, Sport CNA

Ultimatumi i trajnerit Nica, Kukësi merr vendimin për sulmuesin

Kukësi tregoi karakter ndaj Skënderbeut, teksa pas disavantazhit të dyfishtë në pjesën e parë, verilindorët ia dolën të barazojnë në pjesën e dytë, duke marrë një pikë.

Mgjithatë ky barazim kaloi disi në plan të dytë, nga përplasja e trajnerit Stavri Nica me sulmuesin Atdhe Rashiti.

Tekniku e zëvendësoi në pjesën e parë, për shkak të neglizhencës së lojtarit në lojë. Madje, trajneri vendosi ultimatum ose ai në skuadër ose sulmuesi.

Në këtë situatë, Kukësi ndodhej në një pozitë të vështirë, sepse janë të rëndësishëm të dy, si trajneri Stavri Nica që gëzon besimin e plotë nga drejtuesit, ashtu edhe sulmuesi Atdhe Rashiti, që shihet një element i rëndësishëm në skuadër.

Burimet në klub pohojnë se ndaj Rashitit është marrë një masë ndëshkimore për mosimpenjimin e tij si duhet në ndeshjen e fundit. Masa nuk bëhet e ditur, por gjithsesi duket se klubi është munduar të mos rëndojë situatën mes palëve duke e zgjidhur me një masë ndëshkimore. Paraprakisht duket se edhe Nica nuk ka këmbëngulur për më shumë dhe sipas të gjitha mundësive kjo situatë është zgjidhur në këtë mënyrë dhe as Nica dhe as Rashiti nuk do të largohen nga skuadra.





Lajmet e fundit nga