web counter
LEXO PA REKLAMA!

SHKARKO APP

App Store
Google Play

E fundit!

x

Ul siparin turneu në Preshevë, Duka: Synojmë të promovojmë futbollin e të motivojmë fëmijët të luajnë

29 Korrik 2025, 14:14, Sport CNA

Ul siparin turneu në Preshevë, Duka: Synojmë të

Turneu i futbollit në Luginën e Preshevës u mbyll mbrëmjen e djeshme, duke finalizuar me sukses një aktivitet të mbështetur plotësisht nga Federata e Futbollit. Takimet finale u ndoqën nga afër edhe nga Presidenti i Federatës, Armand Duka, i cili zhvilloi edhe një bisedë shumë miqësore me fëmijët pjesëmarrës në turne.

Pas ceremonisë së ndarjes së medaljeve dhe kupave për fituesit, presidenti Duka mbajti një prononcim të shkurtër për mediat e pranishme në këtë turne.

Kreu i federatës së futbollit shqiptar tregoi se vizita e parë në Luginën e Preshevës ishte mjaft emocionuese dhe se qëllimi i këtij turneu është të promovojë futbollin dhe të motivojë fëmijët të luajnë futboll.

Ai falënderoi organizatorët për bashkëpunimin, si edhe kryetarët e komunave të Bujanocit dhe Preshevës, ndërsa tha se në të ardhmen mund të ketë edhe projekte të reja.

Vizita në Preshevë – Për mua është kënaqësi dhe emocion që jam sot këtu. Qëllimi i FSHF-së, objektivi i saj, është motivimi i fëmijëve kudo që ato jetojnë për të luajtur futboll. Ky turne është jashtë kufijve shtetërorë të Shqipërisë, ka specifikat e veta, por nuk ka asnjë qëllim politik përveçse të promovojë futbollin.

Futbolli ka vetëm një gjuhë, atë sportive, të topit, të golit dhe respektin për shokët, kundërshtarin, për lojën dhe për veten. Nëpërmjet lojës ne duam të krijojmë ura komunikimi, mesazhe paqeje dhe bashkëpunimi dhe të edukojmë sa më mirë fëmijët tanë kudo që ata jetojnë.

Dua të falënderoj iniciatorët dhe organizatorët, stafin e FSHF-së që ka bashkëpunuar për ta bërë sa më mirë, kryetarët e komunave të Bujanocit dhe Preshevës për angazhimin dhe mbështetjen. Mund ta konsideroj fillimin e një organizimi të ri.

Në bisedat që kemi bërë me të gjithë aktorët e futbollit në Luginë, do të krijojmë projekte të reja bashkëpunimi për të qenë sa më afër fëmijëve, talenteve dhe për ta bërë sa më të mirë jetën e tyre sportive.

Diskutimet me kryetarët e komunave në Preshevë dhe Bujanoc – I falënderoj për pritjet kryetarët bashkë me stafet. Edhe në takimet që kishim e theksova që ne nuk jemi këtu si përfaqësues shtetërorë, ne jemi këtu si përfaqësues të futbollit dhe që në bashkëpunim me gjithkënd të krijojmë aq sa kemi mundësi kushte më të mira për të luajtur futboll.

Dhe besoj se do të ndërtojmë projekte të qëndrueshme për të ardhmen.

Kërkesat e fëmijëve – Dihen dëshirat, të kenë një infrastrukturë më të mirë. Çfarë mund të bëjmë ne për t’i mbështetur. Besoj se do të krijojmë një marrëdhënie të qëndrueshme me komunitetin sportiv këtu jo vetëm për infrastrukturë, por edhe për të edukuar trajnerë, për mbështetje me uniforma sportive dhe topa.





Lajmet e fundit nga